నదియా స్పీడ్ కు చుక్కలు చూస్తున్న నిర్మాతలు

Posted: 02/24/2014 11:39 AM IST

గతంలో గ్లామర్ హీరోయిన్ గా  దుమ్మురేపిన ఆలనాటి నటి, నేటి అత్త  నదియా, అప్పుడు, ఇప్పుడు వెండితెరపై చెలరేగిపోతుంది. అప్పుడు తన అందంతో,  హీరో అర్జున్  లాంటి వారి మనసును దోచుకుందనే వార్తలు కోలీవుడ్ లో వినిపించాయి.  అయితే  ఇద్దరు బిడ్డల తల్లిగా  కాపురం చేసుకుంటూ  హాయిగా ఉన్న నదియా తన సెకండ్  ఇన్నింగ్స్  మొదలుపెట్టిన విషయం  తెలిసిందే. 

సహజంగా  సెకండ్ ఇన్నింగ్స్ చేసిన  సీనియర్ నటిమణులకు అంతగా గుర్తింపు రాదు. కానీ  నదియాకు మాత్రం అలా కాదు. తన నటించిన ప్రతి సినిమాలో నదియా ప్రత్యేకంగా ప్రక్షకులను ఆకట్టుకుంది.  ప్రభాస్ నటించిన మిర్చిలో  అమ్మగా పరిచయం అయ్యింది. కానీ  పవన్ కళ్యాణ్  నటించిన  అత్తారింటికి దారేది సినిమాలో  అత్త గా నటించి తన ఇమేజ్ ను రెండింతలు రెట్టింపు చేసుకుంది నదియా. 

ఇప్పుడు నదియా కోసం  ప్రతి సినిమాలో ఒక ప్రత్యేకమైన పాత్రను పెడుతున్నట్లు టాలీవుడ్ వాసులు అంటున్నారు.   అంతేకాకుండా నదియా కు ఆఫర్ల మీద ఆపర్లు వస్తున్నాయి.  పైగా కథలో ప్రాధాన్యం వున్న పాత్రలే రావటం నదియా అధ్రుష్టం అని ఆమె అభిమానులు అంటున్నారు. మొత్తం మీద నదియా  స్పీడు పెంచినట్లు తెలుస్తోంది.   

ప్రస్తుతం నదియా ప్రస్తుతం 'ఆగడు' సినిమాలో మహేష్ బాబుకి అక్కగా, 'దృశ్యం' తెలుగు రీమేక్ లో పోలీసాఫీసర్ గా,

'దృశ్యం' తమిళ వెర్షన్లో కమల్ సరసన కథానాయికగా, ఓ మళయాళ సినిమాలో కీలక పాత్రదారిగా,ఎన్టీఆర్ నటించనున్న సినిమాలో మరో ముఖ్య పాత్రలో ... ఇలా చేతినిండా సినిమాలతో, ఎవరూ ఊహించనంతగా బిజీ బిజీగా నదియా దూసుకుపోతుందని ఫిలింనగర్ వాసులు అంటున్నారు.  

అయితే  నదియా పారితోషికం విషయంలో నిర్మాతలకు చుక్కలు కనబడుతున్నాయని  టాలీవుడ్ నిర్మాతల సంఘం అంటుంది.   అంతే మరీ  నదియా డిమాండ్ అలా ఉందని  ఆమె అభిమానులు అంటున్నారు.  నదియా కూడా   డిమాండ్  ఉన్నప్పుడే  నాలుగు రాళ్లు వెనకేసుకోవాలనే ఉద్దేశంలో ఉన్నట్లు తెలుస్తోంది. 

 

-ఆర్ఎస్