బాలయ్య అక్కినేని దగ్గరకు ఎందుకు రానట్టో ?

Posted: 01/24/2014 05:51 PM IST

తెలుగు సినిమా పరిశ్రమకు ఉన్న రెండు కళ్ళలో ఒక కన్ను (ఎన్టీఆర్) ఎప్పుడో పోగా, రెండో కన్నుగా చెప్పుకునే (ఏఎన్నార్) అక్కినేని నాగేశ్వరరావు కూడా ఈ లోకాన్ని విడిచి వెళ్లిపోయిన సంగతి తెలిసిందే. ఈ వార్త విని యావత్ తెలుగు సినీ పరిశ్రమ దు:ఖసాగరలో మునిగిపోయింది. ఈయన మరణ వార్త విన్ని అభిమానులు , సినిమా పరిశ్రమకు చెందిన వారు వేలాదిగా తరలి వచ్చి అక్కినేని కడసారిగా చూసి వెళ్ళారు.

కానీ సౌత్ సినిమా ఇండస్ట్రీలో భాగమైన కోలీవుడ్ నుండి, బాలీవుడ్ నుండి కొంత మంది ముఖ్యనటులు ఎవ్వరూ హాజరు కాలేదు. అదీ కాకుండా తెలుగు సినిమా పరిశ్రమకు చెందిన కొంత మంది కూడా రాకపోవడం ఆశ్చర్యాన్ని కలిగిస్తుంది. తమిళ పరిశ్రమలో జ‌య‌ల‌లిత‌, ర‌జ‌నీకాంత్‌, క‌మల్‌హాస‌న్‌, మమ్ముట్టి, మోహన్ లాల్ లాంటి వారు ఒక్కరు కూడా హాజరు కాలేదు. బాలీవుడ్ పరిశ్రమలో సీనియర్ నటుడిగా చెప్పుకుంటున్న అమితాబ్ బచ్చన్ కి అక్కినేని ఎప్పటి నుండో పరిచయం ఉంది. అక్కినేని నాగార్జునతో అమితాబ్ కలిసి ఇటీవలే కొన్ని ప్రకటనల్లో కనిపించారు కూడా. ఇంత దగ్గరి వ్యక్తి కూడా రావపోవడం విస్మయానికి గురి చేసింది.

టాలీవుడ్ పరిశ్రమ అంతా అక్కడికి వెళితే... రాంగోపాల్ వ‌ర్మ, పూరీ జగన్నాథ్, బాలక్రిష్ణ, లాంటి వారు రాలేదు. ముఖ్యంగా రామ్ గోపాల్ వర్మకు లైఫ్ ఇచ్చింది అన్నపూర్ణ స్టూడియోసే. బాలకృష్ణ ఎప్పుడు నాగేశ్వరరావు గారిని బాబయ్ అని సంభోదిస్తూ ఉండేవారు. కానీ ఆయన్ను చివరి సారిగా చూడటానికి రాలేదు. ఆయన కుటుంబ సభ్యులు, అల్లుడు లోకేష్ అంతా వచ్చి ఈయన రాకపోవడంతో బాలక్రిష్ణకు, నాగార్జుకు ఎక్కడో చెడిందరనే అందుకే రాలేదని రకరకాల పుకార్లు సోషల్ మీడియా వెబ్‌సైట్లలో వస్తున్నాయి.

అక్కినేని తెలుగు సినిమా ప‌రిశ్రమ‌కే కాదు, భార‌తీయ చ‌ల‌న‌చిత్ర ప‌రిశ్రమ‌కు గ‌ర్వకార‌ణ‌మైన వ్యక్తి. అలాంటి మ‌హోన్నత న‌టుడి చనిపోతే తోటి కళాకారులుగా వీరిచ్చే గౌర‌వం ఇదేనా అని సినీ జనాలు ప్రశ్నిస్తున్నారు.