చాలా హాయిగా ఉంది ?

Posted: 07/18/2013 01:05 PM IST

ఇప్పుడు నా జీవితం చాలా హాయిగా ఉందని సీనియర్ కేరళ సుందరి నయన తార అంటుంది. తన ప్రేమ భగ్నం అయిన తరువాత చాలా ఆనందంగా ఉన్నట్లు తెలుస్తోంది. ఇక జీవితంలో ఎవరి ప్రేమతో పేరుతో మోసం పోకుండా ఒంటరిగా జీవితాన్ని ఎంజాయ్ చేస్తున్నది మన నయనతా. ఇటీవల నా జీవితంలో చోటుచేసుకున్న సంఘటనలు నాకు మంచి గుణపాఠాన్నినేర్పాయి. గతానుభవాలనుదృష్టిలో పెట్టుకుని ఇకపై బాధను మిగిల్చే అనుబంధాలను..బాంధవ్యాలను పెంచుకోవడం కన్నా వాటికి దూరంగా వుండటమే మంచిదనిపిస్తోంది. ఇకపై ఎలాంటి సెంటిమెంట్‌లు పాటించకూడదని, మిగతా జీవితాన్నిఒంటరిగానే గడపాలనుకుంటున్నాను. క్షణం నవ్వించి మరుక్షణం ఏడిపించే బంధాలకన్నా ఒంటరి జీవితమే హాయి’ అంటోంది నయనతార. ‘శ్రీరామరాజ్యం’ తరువాత సినిమాల నుంచి తప్పకోవాలనుకున్న ఈ కేరళ సుందరి ఆ తరువాత అనూహ్యంగా తన నిర్ణయాన్ని మార్చుకుని మళ్లీ వరుస చిత్రాల్లో నటిస్తున్న విషయం తెలిసిందే. ఈ కేరళ సుందరి చెప్పే కహానీలు వినటానికి బాగానే ఉన్నాయి. కానీ హీరో ఆర్యతో నడిపే జీవితానికి ఏం పేరు పెడుతుందో చూడాలి. ఈఇద్దరి మద్య గాలి సోకనంత సంబంధం ఉన్నట్లు కోలీవుడ్ వర్గాలు కోడై కూస్తున్నాయి. కానీ కేరళ సుందరి మాత్రం ఒంటరిగా ఉంటే జీవితం హాయిగా ఉంటుందని వినేవారి చెవులో సినిమా పువ్వులు పెడుతుందని కోలీవుడ్ వర్గాలు అంటున్నాయి.