ఇషా చావ్లాని నాశనం చేశాడట

Posted: 07/18/2013 06:16 PM IST

టాలీవుడ్ లో మంచి కమేడియన్ గా పేరు తెచ్చుకున్న సునీల్ కష్టపడి తన టాలెంటును చూపించి పూర్తిగా హీరో స్థాయికి ఎదిగిన విషయం తెలిసిందే. ఇతడు నటించిన పలు సినిమాలు మంచి విజయాన్ని సాధించాయి కూడా. కానీ ఇతని ప్రక్కన నటించిన హీరోయిన్స్ కెరియర్ మాత్రం అగమ్యగోచరంగా తయారయింది. ఆర్తీ అగర్వాల్, సలోని లాంటి వాళ్లు అడ్రస్ లేకుండా పోయారు. ఇప్పుడు వారిలాంటి పరిస్థితే మరో హీరోయిన్ అయిన ఇషా చావ్లాకి వచ్చిందని గొగ్గొలు పెడుతుందని సమాచారం. పూలరంగడు, మిస్టర్ పెళ్లి కొడుకు లాంటి సినిమాల్లో సునీల్ సరసన నటించిన ఇషాకి ఇప్పుడు బొత్తిగా అవకాశాలు లేకుండా పోయాయి. దీనికి కారణం సునీల్ సరసన నటించటమే అని అంటుంది. ఒకప్పుడు మంచి అవకాశాలే వచ్చినా, ఇప్పుడు సునీల్‌ వల్లే నాశనం అయిందని ఇషా చావ్లా సన్నిహితుల దగ్గర వాపోతుందట. సునీల్‌కి మార్కెట్‌ ఎంత ఉన్నా కానీ చిత్ర పరిశ్రమలో మాత్రం అతడిని ఇంకా కమెడియన్‌లానే చూస్తున్నారని, సునీల్‌తో నటించిన హీరోయిన్‌తో నటించడానికి పేరున్న హీరోలు ఇష్టపడడం లేదని అందుకే అవకాశాలు రావడం లేదని అంటోందట. ఇక పై ఆయనతో నటించనని డిసైడ్ అవ్వడమే కాకుండా, తన కెరియర్ ని నాశనం చేసిన సునీల్ లోలోపల బాగా తిట్టుకుంటుందట. మరి ఈమె స్టేట్ మెంట్ మిగతా హీరోయిన్లు ఇక పై సునీల్ తో నటించడానికి విముఖ వ్యక్తం చేసినా ఆశ్చర్యపడనక్కర్లేదని అంటున్నారు సినీ జనాలు.