Posted: 06/15/2012 05:33 PM IST

మెగాస్టార్ చిరంజీవి కొడుకు రామ్ చరణ్ పెళ్ళి తంతు ఈరోజుతో ముగియనుంది. నిన్న ఉపాసన మెడలో మూడుముళ్లు వేసిన తరువాత చరణ్ ఓ ఇంటివాడయ్యాడు. తనకంటూ ఓ బాధ్యత పెరిగింది. దాంతో పాటే కొత్త దంపతులు కాబట్టి ప్రైవసీ కోరుకుంటారు. ఏకాంతం కావాలనుకుంటారు. దీని కొందరు వేరు కాపురాలు పెడతారు. మొన్నీమధ్యనే పెళ్లి చేసుకున్న స్నేహా కూడా మాకు ఏకాంతం కోసం ఓ మూడు నెలలు వేరు కాపురం పెడతాం తరువాత మా అత్త మామలతో కలిసుంటాం అని చెప్పింది.

మరి ఇప్పుడు రామ్ చరణ్ కూడా వేరే కాపురం పెడతాడా ? లేక తన తల్లిదండ్రులతో కలిసింటాడా ? అనేది సినీ వర్గాల్లో చర్చ జరుగుతుంది. ఈ విషయం పై ఓ సందర్భంలో స్పందిచిన రామ్ చరణ్  నేను ఆమెతో మనకోసం సెపరేట్ గా గోల్ప్ కోర్స్ ఏరియా దగ్గరలో ఓ ఇల్లు కడుతున్నాను అని చెప్పాను. వివాహం అయ్యాక ఇద్దరం కలిసి వేరేగా ఉండవచ్చు అని...అయితే ఆమె దానికి ఒప్పుకోలేదు. ఆమె నా కుటుంబంతో పాటే ఉందామని ఖచ్చితంగా చెప్పింది అన్నారు రామ్ చరణ్.

అలాగే ఆమె ఆ మాట అనటానకి సెల్ఫిష్ మోటివ్ వెనక దాగి ఉందని అన్నారు. అదేమిటంటే...నన్ను హ్యాండిల్ చేయాలంటే ఆమె ఒక్కర్తి సరిపోదని,నా కుటుంబం హెల్ప్ కావాలని ఆమె ఉద్దేశ్యం అన్నారు. అలా తన భార్య ఉపాసనను రామ్ చరణ్ సపోర్టు చేస్తూ మాట్లాడారు. తనకి,ఆమెకి ఉమ్మడి కుటుంబంలో కలిసి ఉండటమే ఇష్టమనే భావనని వెల్లబుచ్చారు.