Posted: 01/27/2012 01:51 PM IST

‘ఒకే ఒక్కడు’ సినిమాలో ‘నెల్లూరి నెరజానా’ అంటూ తెలుగు ప్రేక్షకుల గుండెల్లో నాటుకుపోయిన భామ మనీషా కోయిరాల. ఈమె ఒకప్పుడు వెండి తెర పై ఓ వెలుగు వెలిగారు. తరువాత ఈమెకు మెళ్ళి మెళ్ళిగా అవకాశాలు తగ్గిపోవడంతో ఏం చేయాలో పాలు పోక ఓ మగ తోడుకోసం వెంపర్లాడి లేటు వయస్సులో పెళ్ళి చేసుకుంది. మరి మనీషా కోయిరాల దేని కోసమైతే తొందరపడి పెళ్ళి చేసుకున్నారో ఆ తోందర మూణ్ణాళ్ళ ముచ్చటే అయ్యింది. ఆమె ఇష్టపడి చేసుకున్న పెళ్ళి విఫలం అయ్యందనే వార్తలు కూడా వచ్చాయి.

ఈ భామకు పెళ్ళికి ముందే రోజు తాగే అలవాటు ఉండేది. అయితే అది పెళ్ళి తరువాత పార్టీలకే పరిమితం చేసిందని ఆమె సన్నిహితులు అంటున్నారు. తాజాగా ఈ భామ ఆమె మాజీ బాయ్ ఫ్రెండ్ ఓ రెస్టారెంట్ ని ముంబయిలో ఓపెన్ చేశాడు. ఆయన పిలవడంతో ఆ పార్టీకి వెళ్ళిన మనీషా కోయిరాలా ఫుల్లుగాతాగి మీడియా కంట పడింది. రెస్టారెంట్ ఓపెనింగ్ లాంచ్ కి వెళ్ళిన ఈమె ఆ రాత్రంతా అక్కడ తాగి తూగుతూ ఉండగా మీడియా కళ్ళు క్లిక్ మనిపించాయి. ఫుల్లుగా తాగి నడవలేని స్ధితిలో ఉన్న ఆమెను బాగా కావాల్సిన వారు ఆమెను తీసుకుని ఇంటికి చేర్చారని అంటున్నారు. 

అయితే మనీషా ఇంతలా తాగడానికి కారణం ఆమె ఇష్టపడి చేసుకున్న పెళ్ళి పెటాకులు అవ్వడంతో తాగుడికి బానిసయ్యిందని, త్వరలోనే ఈవిడ విడాకులు తీసుకోబోతుందని అంటున్నారు. విడాకులు తీసుకున్న వెంటనే మళ్ళీ ఈమె సినిమాల్లోకి ఎంట్రీ కూడా ఇవ్వబోతున్నదని, మణిరత్నం ఓ రొమాంటిక్ మూవీలో అవకాశం కూడా ఇవ్వనున్నాడని ముంబయి వర్గాలు అంటున్నాయి.