మీడియా కోసం లోకేష్ బాబు పరుగులు?

Posted: 07/16/2013 11:00 AM IST

అవును మీరు చదివిన వార్త నిజమే. తెలుగుదేశం పార్టీ అధినేత నారా చంద్రబాబు నాయుడు తనయుడు నారా లోకేష్ బాబు మీడియా కోసం పరుగులు తీస్తున్నారు. ఎలాగై రాబోయే ఎన్నికల నాటికి మీడియాను తన సొంతం చేసుకోనే పనిలో బిజీగా, రహస్యంగా యాత్రలు సాగిస్తున్నారు. అయితే పార్టీలోని నాయకులు దూరంగా పెట్టి, లోకేష్ ఒక్కడే మీడియా కోసం పరుగులు తీస్తున్నారు. మీడియా కోసం పరుగులు అంటే.. తెలుగుదేశం పార్టీ తరుపున సొంత ఛానల్ పెట్టేందుకు చంద్రబాబు ఆద్వర్యంలో లోకేష్ బాబు దూకుడు పెంచాడు. అదేంటీ టిడిపి సొంత మీడియా ఛానల్ ( స్టూడియ్ ఎన్ ) ఉంది కాద అని అనుకుంటారు. కానీ ఇటీవల ఆ ఛానల్ టీడీపీ బాబులను దూరంగా పెట్టింది. అంతేకాకుండా గతంలో ఆ ఛానల్ విషయానలు లోకేష్ బాబు స్వయంగా చూసేవాడు. కానీ పరిస్తితులు మారిపోవటంతో.. లోకేష్ ‘బాబు’ ను ఆ ఛానల్ బయటకు నెట్టేసిందే విమర్శలు మీడియా వర్గాల మద్య వినిపిస్తున్నాయి.

 

చంద్రబాబు పాదయాత్రలో మొదట ఆ ఛానల్ ప్రతినిత్యం వహించినప్పటికి, చివర రోజుల్లో మాత్రం ఆ ఛానల్ చంద్రబాబు చుక్కులు చూపించదట. ఆ సమయంలో బాబు మరో ఛానల్ కు కోట్లు రూపాయలిచ్చి మీడియా ప్రచారం చేసుకున్నట్లు కొన్ని మీడియా ఛానల్స్ ప్రచారం చేశాయి. దీంతో ఎన్నికల సమయానికి ఎలాగైనా ఒక సొంత చానల్‌ను ఏర్పాటు చేసుకోవాలనే ఉద్దేశంతో ఎంతోకాలం నుంచి కసరత్తు చేస్తున్న లోకేష్ దాన్ని కార్యరూపంలో పెట్టేందుకు ఢిల్లీకి వెళ్లారని పార్టీ నేతలు చెప్పుకుంటున్నారు. ఇప్పటికే కేంద్ర సమాచార మంత్రిత్వ శాఖ నుంచి అనుమతి లభించిన ఒక చానల్‌ను కొనుగోలు చేసేందుకే ఆయన ఢిల్లీ వెళ్లారట. ఆ చానల్ కొనుగోలుకు అవసరమైన సొమ్మును రాయలసీమకు చెందిన ఒక ఎమ్మెల్యేతో పాటు నెల్లూరు జిల్లాకు చెందిన పార్టీ నేత ఒకరు సమకూర్చారట, అంతేకాకుండా పార్టీకి అనుకులంగా పనిచేస్తున్న పాత్రికేయులను ఆ చానల్‌లో పని చేసేందుకు ఇప్పటికే లోకేష్ స్వయంగా ఎంపిక చేశారని టిడిపి నాయకులు గుసగుసలాడుకుంటున్నారు.

 

జూనియర్ ఎన్టీఆర్ ప్రభావం ఎలా ఉంటుందో లోకేష్ బాబు స్వయంగా చూసినట్లు పార్టీ వర్గాలు అంటున్నాయి. జూనియర్ ఎన్టీఆర్ మామ ఛానల్ పై అధిపత్యం చలాయిస్తున్న లోకేష్ ఎన్టీఆర్ దెబ్బ ఏమిటో స్వయంగా చూసినట్లు పార్టీ కార్యకర్తలు అంటున్నారు. ఆ అవమానంతోనే.. చంద్రబాబు మీద ఒత్తిడిపెంచి.. సొంత ఛానల్ పెట్టేందుకు లోకేష్ సిద్దమైనట్లు సమాచారం. ఈ ఛానల్ పేరు కూడా పెట్టినట్లు సమాచారం. (ఎల్ ఎన్ సి) ఎల్ అంటే .. లోకేష్. ఎన్ అంటే నారా, సి అంటే చంద్రబాబు అనే అర్థం వచ్చే విధంగా పెట్టినట్లు పార్టీ వర్గాలు అంటున్నాయి. దాని సంబంధించిన లోగో కూడా సిద్దమైనట్లు సమాచారం. అయితే ఎన్నికల నాటికి సొంత ఛానల్ వస్తుందని పార్టీ నాయకులు ఆనందంగా ఉన్నరని టీడీపీ కార్యకర్తలు అంటున్నారు.