పార్టీ మారుతున్న లక్ష్మీ పార్వతి? బాలయ్య కు..?

Posted: 05/08/2013 11:47 AM IST

నందమూరి తారక రామారావు రెండో భార్యగా తెలుగు ప్రజలకు పరిచయం అయిన నందమూరి లక్ష్మీపార్వతి.  ఇప్పుడు రాష్ట్రం రాజకీయల్లో ఒక నాయకురాలిగా ఉన్న విషయం తెలిసిందే. ఎన్టీఆర్ మరణాంతరం, తెలుగు దేశం పార్టీ నుండి బయటకు వచ్చి, అన్నఎన్టీఆర్ పార్టీ స్థాపించి, రాజకీయ నాయకురాలిగా ఎదిగే ప్రయత్నం చేశారు. కానీ  ఆమె అనుకున్నంత ఫలితం రాలేదు. అయితే ఇటీవల కాలంలో లక్ష్మీపార్వతి .. వైఎస్ఆర్ కాంగ్రెస్ పార్టీలో  చేరిన విషయం తెలిసిందే. ఆ పార్టీ నాయకురాలిగా అనేక కార్యక్రమాల్లో  పాలుపంచుకుంది. అంతేకాకుండా  నందమూరి  కుటుంబ సభ్యులను, తెలుగుదేశం పార్టీ నాయకులపై ఎన్నో రాజకీయ విమర్శలు  చేసి సంచలనం రేపింది.

అయితే  రీసెంట్ కేంద్ర మంత్రి పురంథేశ్వరి పై ఘాటైన విమర్శలు చేసిన విషయం తెలిసిందే.  ఈరోజు ఎన్టీఆర్  విగ్రహావిష్కరణ  ఢిల్లీ పార్లమెంటలో జరిగింది. ఎన్టీఆర్ విగ్రహావిష్కరణకు హాజరైన లక్ష్మీ పార్వతి, అక్కడ  నందమూరి కుటుంబ సభ్యులను చూసి, ఆమె కొత్త చలనం వచ్చినట్లు తెలుస్తోంది. ఢిల్లీలో నందమూరి కుటుంబ సభ్యులు, లక్ష్మీ పార్వతి పై చూపించిన  ప్రేమానురాగాలు, పలకరింపులు, చూసిన ఆమె మనస్సు పొంగిపోయింది. అన్నగారి కుటుంబ సభ్యులు ఒక్కసారి లక్ష్మీపార్వతికి ఇచ్చిన గౌరవం చూసి కాంగ్రెస్ నాయకులకే కన్నుకుట్టే విధంగా ఉందని మీడియా వర్గాలు అంటున్నాయి. ఆ సమయంలోనే లక్ష్మీ పార్వతి, చంద్రబాబు, బాలయ్యలతో  మంతనాలు జరిపినట్లు తెలుస్తోంది.

 బాలయ్య మాటలకు లక్ష్మీపార్వతి ఫిదా అయినట్లు టిడిపి నాయకులు చెబుతున్నారు. లక్ష్మీ పార్వతి మనసు మార్చుకోని, మళ్లీ తెలుగు దేశం పార్టీలోకి చేరి తన భర్త ఆశయాలను, నేర్చావేర్చాలనే సంకల్పంతో లక్ష్మీపార్వతి ఉన్నట్లు టీడీపీ సీనియర్ నాయకులు చెబుతున్నారు. పురంథేశ్వరికి చేసిన గొప్పపనికి ఎన్టీఆర్ తరువాత పురంథేశ్వరి పేరు చెప్పుకుంటారనే మాటలు అక్కడ వినిపించాయి.  ఈ మాటలు విన్న లక్ష్మీ పార్వతి, చంద్రబాబు ,బాలయ్యలతో కలిసి ఎన్టీఆర్ పార్టీని మళ్లీ అధికారంలోకి తెచ్చి ఎన్టీఆర్ ఘనతను  చాటి చెప్పాలనే ఉద్దేశం ఆమెలో కలిగినట్లు టిడిపి నాయకులు అంటున్నారు.  

అయితే త్వరలో  వైఎస్ఆర్ కాంగ్రెస్ పార్టీ గుడ్ బై  చెప్పే ఆలోచనల్లో లక్ష్మీ పార్వతి ఉన్నట్లు టిడిపి సీనియర్ నాయకులు గుసగుసలాడుకుంటున్నారు.  కొసమెరుపు ఏమిటంటే.. 2014 ఎన్నికల్లో లక్ష్మీ పార్వతి రాజకీయ బరిలోకి దిగదని టిడిపి నాయకులు చెబుతున్నారు.  కేవలం పార్టీ కార్యకర్తగానే ఉంటుందని బాబు చెప్పినట్లు టిడిపి కార్యకర్తలు అంటున్నారు.