జగన్ మనసు మారిందా?

Posted: 05/09/2013 06:39 PM IST

వైఎస్ఆర్ కాంగ్రెస్ పార్టీ అద్యక్షుడు వైఎస్ జగన్మోహన్ రెడ్డి మనస్సు మారిందా? జగన్ మైండ్ సెట్ పూర్తి గా మారిపోయిందా అంటే అవుననే అంటున్నారు.. సీనియర్ రాజకీయ నాయకులు అంటున్నారు. వైఎస్ రాజశేఖర రెడ్డి కి వైఎస్ జగన్ కు చాలా తేడా ఉందని పలువురు రాజకీయ నాయకులు అంటున్నారు. జగన్ మైండ్ సెట్ తో తన పార్టీలోని నాయకులకు పెద్ద తలనొప్పిగా మారిందని వారు అంటున్నారు. తండ్రి సిద్దాంతాలకు , కొడుకు సిద్దాంతాలకు చాలా తేడా ఉందని అంటున్నారు. వైఎస్ మీద ఉన్న అభిమానంతో జగన్ పార్టీలో చేరిన నాయకుల నుండి ఇలాంటి విమర్శలు వినిపిస్తున్నాయి. వైఎస్ ఉన్న రోజుల్లో ఏరియా వైజుగా అతి ముఖ్య సన్నిహితులను వైఎస్ఆర్ తయారు చేసుకున్నారు. ఉదాహారణకు.. అనంతపురం లో ..రఘువీరా రెడ్డి, నెల్లూరులో ఆనం బ్రదర్స్, గుంటూరు లో అంబటి రాంబాబు, రాజమండ్రి లో వట్టి వసంత్ కుమార్, ఉండవల్లి, విశాఖలో కొణతాల, తెలంగాణలో చేవెళ్ల నుండి, సబితా ఇంద్రరెడ్డి, వరంగల్ నుండి కొండా దంపతులు,

ఇంక చాలా మంది నాయకులు వైఎస్ ఆర్ కు ముఖ్య నాయకులు, మంచి సన్నిహితంతో మెలిగేవారు. వీరిపై ఎలాంటి విమర్శలు వచ్చినప్పటికి వారిని వైఎస్ఆర్ ఎప్పుడు దూరం చేసుకోలేదు కాబట్టే .. ఈరోజుకి వైఎస్ఆర్ పై అభిమానం దగ్గలేదని సీనియర్ రాజకీయ నాయకులు అంటున్నారు. వైఎస్ఆర్ ఒక మంచి గుణం ఉందని వైసీపీ సీనియర్ నాయకులు చెబుతున్నారు. వైఎస్ఆర్ నా అనుకుంటే.. వారికి ఎలాంటి లోటు లేకుండా అభిమానం పంచేవాడని సీనియర్ రాజకీయ వర్గాలు అంటున్నాయి. అయితే జగన్ అలా కాదని అంటున్నారు. జగన్ రాజకీయంలో ఆలోచిస్తున్నాడని, పార్టీకి ముఖ్య నాయకులను వదులుకోవాటానికి సిద్దపడుతున్నాడని, వైఎస్ అభిమానులు అంటున్నారు. వైఎస్ మీద ఉన్న అభిమానంతో వైసీపీలో చేరటం జరిగిందని, జగన్ పై ప్రేమతో పార్టీలో చేరలేదని ఒక సీనియర్ నాయకుడు బహిరంగంగా చెబుతున్నాడు. పార్టీలో ఉన్న ముఖ్య నాయకులు దూరమైతే.. పార్టీ పరిస్థితి దారుణంగా ఉంటుందని ఒక నాయకుడు వర్గీయులు అంటున్నారు. జగన్ మైండ్ సెట్ మారితే పార్టీకి, నాయకులకు అందరికి మేలు జరుగుతుందని మహిళ నాయకురాలు పార్టీ కార్యకర్తలతో చెప్పినట్లు రాజకీయ వర్గాలు అంటున్నాయి.