22 ఏళ్ల తరువాత ఓదార్పు? 25 లక్షలు ?

Posted: 05/02/2013 06:11 PM IST

 

తప్పు చేసాడో, చెయ్యలేదు తెలియాదు గానీ, 22 సంవత్సరాలు మాత్రం కఠిన శిక్ష పరాయి దేశంలో అనుభవించాడు. తన నిండు జీవితం పరాయి దేశస్థుల, ఖైదీల చేతిలో ప్రాణం పోయింది. ఈ 22 సంవత్సరాలు.. మన దేశ నాయకులకు ఈ విషయం తెలియాదా? సరబ్ జిత్ సింగ్ ను కాపాడటానికి ఒక్క నాయకుడు కూడా ప్రయత్నం చెయ్యలేదా అంటే.. నిజంగా అలాంటి సాహసం మన దేశ రాజకీయ నాయకులు, మన ప్రభుత్వం గానీ చెయ్యలేదనే చెబుతున్నారు సరబ్ జిత్ సింగ్ కుటుంబ సభ్యులు. తోటి ఖైదీలతో పెట్టిన చిత్రహింసలో సరబ్ జిత్ సింగ్ తలకు బలమైన గాయం అయ్యి.. కోమాలోకి వెళ్లిపోవటం జరిగినట్లు కుటుంబ సభ్యులు చెబుతున్నారు. పాకిస్థాన్ వైద్యులు మాత్రం సరబ్ జిత్ సింగ్ చావుకు పేరు కూడా పెట్టారు. అదే ‘‘బ్రెయిన్ డెడ్ ’’. ఇలా సరబ్ జిత్ జీవితంతో ఆడుకొని .. శవాన్ని ఇండియాకు పంపిస్తున్నారు పాకిస్థాన్ నాయకులు.

ఇప్పుడు మన నాయకులు రాజకీయ లబ్ది కోసం ఓదార్పు పేరుతో సానుభూతి తెలుపుతున్నారు. కొన్ని రాజకీయ పార్టీలు సరబ్ జిత్ మారణాన్ని ఆయుధంగా చేసుకొని ప్రభుత్వం పై తిరగబడుతున్నారు. ఈ ఓదార్పులు, ఈ సానుభూతి పరంపరలు .. సరబ్ జిత్ సింగ్ పాకిస్థాన్ జైల్లో ఉన్నప్పుడు ఎవరికీ గుర్తుకు రాలేదా? ఆ కుటుంబం గురించి ఎవరు ఆలోచించలేదా? 22 సంవత్సరాల్లో ఒక్కసారి కూడా సరబ్ జిత్ సింగ్ గుర్తుకు రాకపోవటం చాలా విచిత్రంగా ఉందని కుటుంబ సభ్యులు అంటున్నారు. ఇప్పుడు చూపించే సానుభూతి .. అప్పుడు చూపిస్తే.. సరబ్ జిత్ సింగ్ బతికేవాడని ..కుటుంబ సభ్యులు , బంధువులు ఆరోపిస్తున్నారు. ఈ ఓదార్పులకు ప్రయోజనం లేదని సరబ్ జిత్ సింగ్ గ్రామ ప్రజలు అంటున్నారు. సరబ్ జిత్ కుటుంబానికి ప్రధానమంత్రి మన్మోహన్ సింగ్ రూ.25లక్షల ఎక్స్ గ్రేషియా ప్రకటించారు. ప్రధానమంత్రి సహాయ నిధి నుంచి ఎక్స్ గ్రేషియా అందించనున్నారు.