హరికృష్ణ తో కొడుకు ఫైట్ ?

Posted: 05/03/2013 11:07 AM IST

బాబాయ్ కోసం.. మరో అబ్బాయి తెరపైకి వచ్చాడు. చంద్రమామ కోసం.. మరో అల్లుడు మీడియా ముందుకు రావటం జరిగింది. బాబాయ్ తో విభేదాలు, మామగారితో కయ్యాలు, సైలెంటుగా పెట్టుకుంటున్నా తండ్రి కొడుకులకు తేరుకోని షాకిచ్చాడు.. మరో అబ్బాయి. ‘‘తమ్ముడు తమ్ముడే.. పేకాట పేకాటే ’’ అనేవిధంగా .. పార్టీ కోసమే నేను అంటూ మీడియా ముందు గర్వంగా చెబుతున్నారు నటుడు కళ్యాణ్ రామ్. తెలుగుదేశం పార్టీలో నందమూరి,

నారా కుటుంబాల మధ్య తగాదా చిత్రవిచిత్రంగా సాగుతోంది. దివంగత మాజీ ముఖ్యమంత్రి కుమారులు హరికృష్ణ, బాలకృష్ణల మధ్య విబేధాలు చోటు చేసుకున్న సంగతి బహిరంగ రహస్యమే. బాలకృష్ణ కుమార్తెను చంద్రబాబు కుమారుడు లోకేష్ వివాహం చేసుకున్న తర్వాత వీరిద్దరి మధ్య సంబందం ఇంకా గట్టిపడింది.అయితే జూనియర్ ఎన్.టి.ఆర్.విషయంలో ఏర్పడిన విబేధాలు హరికృష్ణకు చంద్రబాబుకు మధ్య అంతరం పెంచినట్లు కనబడుతుంది. జూనియర్ ఎన్.టి.ఆర్.ఫ్లెక్సీని, ఎన్.టి.ఆర్.ఫ్లెక్సీని కొందరు వై.ఎస్.ఆర్.కాంగ్రెస్ నేతలు ముఖ్యంగా టిడిపి నుంచి వెళ్లిన నేతలు వాడినప్పుడు అది వివాదంగా మారింది.

ఆ సందర్భంగా పార్టీ నేతలు ఒకరకంగా మాట్లాడితే హరికృష్ణ మరో రకంగా మాట్లాడారు. పైగా చంద్రబాబును ఉద్దేశించి పరోక్ష విమర్శలు చేశారు.అంతేకాక విశాఖ పాదయాత్ర ముగింపు సభకు గైర్ హాజరయ్యారు. అలాగే జూనియర్ ఎన్.టి.ఆర్. కూడా విశాఖ సభవైపు చూడలేదు. అలాగే అక్కడ వారికి సంబందించి ఫోటోలను కూడా ఎవరు పెట్టలేదు.ఈ నేపధ్యంలో హరికృష్ణ కుమారుడు కళ్యాణరామ్ మాత్రం తాను చంద్రబాబు వెన్నంటి ఉంటానని ప్రకటించడం ఆసక్తికరమైన పరిణామం. తండ్రి హరికృష్ణతో విబేధించినట్లు కనబడకపోయినా, తండ్రి వైఖరితో ఏకీభవించడం లేదన్న భావన కలుగుతుంది.లేదా హరికృష్ణ ఎలా మాట్లాడినా టిడిపి అదినేతతో సత్సంబంధాలు ఉండడమే మంచిదన్న అభిప్రాయంలోకి వచ్చి ఉండాలి.

తాజాగా తిరుమలలో కళ్యాణ రామ్ కాకతాళీయంగా ఈవ్యాఖ్యలు చేశారో ,లేదా కావాలని చేశారో కాని అవి ఆసక్తికరంగానే ఉన్నాయని చెప్పాలి.చంద్రబాబునాయుడుకు, హరికృష్ణ కు మధ్య విబేధాలు లేవని, అవన్ని మీడియా సృష్టేనని కళ్యాణరామ్ వ్యాఖ్యానించారు.ప్రతి చిన్న విషయాన్ని కూడా మీడియా పెద్దగా చూపిస్తోందని ఆయన అన్నారు. తాను అందరి మంచి కోరే వాడినని, చంద్రబాబు వెంట ఉంటానని పార్టీ కోసం తన వంతు కృషి చేస్తానని కళ్యాణ్ రామ్ పేర్కొన్నారు.అంటే దానర్దం హరికృష్ణ ఏమి మాట్లాడినా తనకు సంబందం లేదని చెబుతున్నారా?తండ్రి మాటలతో విబేధిస్తున్నారా?