సీఎం పదవి పై ఢిల్లీలో ఆఖరిపోరాటం ?

Posted: 04/17/2013 01:06 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి పదవి పై ఢిల్లీలో ఆఖరిపోరాటం జరుగుతుంది. అంటే ముఖ్యమంత్రి కిరణ్ కుమార్ రెడ్డి పోరాటం చెయ్యటంలేదు. కానీ కిరణ్ కుమార్ రెడ్డికి శత్రువుగా పేరుతెచ్చుకున్న ఆరోగ్య శాఖ మంత్రి డి.ఎల్ రవీంద్ర రెడ్డి. రాష్ట్రానికి  కిరణ్ కుమార్ రెడ్డి ముఖ్యమంత్రి అయిన దగ్గర నుండి అంటే రెండున్నర సంవత్సరాలుగా  ముఖ్యమంత్రిని మార్చాండి అని కేంద్రానికి డి.ఎల్ రవీంద్రా రెడ్డి ఎన్నో సార్లు చెప్పటం జరిగింది. ఒకనొక సమయంలో   ముఖ్యమంత్రిని మార్చాకపోతే రాజీనామా చెస్తానని కేంద్రానికి హెచ్చరికలు జారీ చేసిన విషయం తెలిసిందే.  అయితే అధిష్టానం మాత్రం డి.ఎల్ మాటలు పట్టించుకోకుండా, తొందరపడొద్దు అంటూ.. నీతి మాటలు చెప్పి డి.ఎల్ ను ఢిల్లీనుండి వెనక్కి పంపిస్తునే ఉన్నది. అయితే ఈసారి మాత్రం  డి.ఎల్  ఢిల్లీలో ఆఖరి పోరాటం చెయ్యటానికి వెళ్లినట్లు పార్టీ నాయకులు చెవులు కొరుక్కుంటున్నారు. అధిష్టానంతో  తాడో పేడో తెల్చుకోవటానికి ఢిల్లీలో  మకాం పెట్టినట్లు సమాచారం. ఆంద్రప్రదేశ్ లో కాంగ్రెస్ పార్టీ జరుగుతున్న నష్టం పై డి.ఎల్ ఒక నివేదిక తయారు చేసి, ఢిల్లీ పెద్దలకు ఇవ్వటానికి సిద్దమైనట్లు తెలుస్తోంది. సీఎం కిరణ్ కుమార్ రెడ్డి, జైల్లో ఉన్న జగన్ ఎలా ఉపయోగపడుతున్నది. పార్టీ నుండి నాయకులు వెళ్లిపోతున్నప్పటికి ముఖ్యమంత్రి మౌనం పై ఢిల్లీ పెద్దలకు ఫిర్యాదు చెసినట్లు సమాచారం. అంతేకాకుండా మంత్రి ధర్మాన ప్రసాద్ విషయంలో  ముఖ్యమంత్రి చూపించిన తీరుపై ఢిఎల్ మండిపడినట్లు తెలుస్తోంది.  కాంగ్రెస్ పార్టీ ముఖ్యమంత్రి వలన  ఆంధ్రప్రదేశ్ లో భారీ నష్టం జరుగతుందని  ఆరోగ్య శాఖ మంత్రి డి.ఎల్ రవీంద్రా రెడ్డి చెప్పినట్లు తెలుస్తోంది. అయితే 2014లోకిరణ్ కుమార్ రెడ్డి వైఎస్ జగన్ పార్టీలో  కలిసిపోతాడనే  విమర్శలు పార్టీలో బలంగా వినిపిస్తున్నాయాని ఢిల్లీ పెద్దలకు చెప్పటానికి రెఢీ అయినట్లు  సినీయర్ కాంగ్రెస్ నాయకులు గాంధీ భవన్ లో గుసగుసలాడుకుంటున్నారు. అధిష్టానానికి  ఆంద్రప్రదేశ్ రాజకీయాలంటే పెద్ద తలనొప్పిగా మారిందని  ఢిల్లీ పెద్దలు అంటున్నారు.  ఏమైన ఢిల్లీలో డి.ఎల్ రవీంద్రా రెడ్డి ఆఖరిపోరాటం ఏం జరుగుతుందో చూడాలి.