Telangana Jac Chairman Gajjala Kantham Fire On Kcr

Posted: 01/30/2013 06:35 PM IST

Gajjala-Kantham

తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖరరావు గురించి తెలంగాణ ప్రజా సంఘాల జేఎసీ ఛైర్మన్ గజ్జెల కాంతం కొన్ని నిజాలు బయటకు చెబుతున్నారు. తెలంగాణ కోసం కేసిఆర్ ఉద్యమం చేయటం లేదట. కేవలం కోట్లు కోసమే తెలంగాణ ఉద్యమం చేస్తున్నట్లు గజ్జెల కాంతం అంటున్నారు. కేసిఆర్ నాటి, నేటి మాటలపై ఆయన ఒక బహిరంగ లేఖను విడుదల చేశారు. తెలంగాణ భవిష్యత్ ఉద్యమ కార్యాచరణ కేసిఆర్ తీరు తదితర అంశాలపై ఆయన చర్చలు జరిపి కొన్నినిజాలను తెలంగాణ ప్రజలకు వినిపించారు. అప్పటి ముఖ్మమంత్రి వైఎస్ రాజశేఖర్ రెడ్డి తో కేసిఆర్ కుమ్మక్కై కోట్లు సంపాదించుకున్నారని ఆయన అన్నారు. అంతేకాకుండా కాంగ్రెస్ పార్టీ తో పొత్తు పెట్టుకొని మంత్రి పదవులను తీసుకుని తెలంగాణ ప్రజలను కేసిఆర్ మోసం చేసినట్లు గజ్జెల కాంతం అంటున్నారు. అంతేకాకుండా 2009లో టీడీపీతో పొత్తు పెట్టుకుని పోటీచేసింది ఎవరు? అంతే సంవత్సరంలో నవంబరు 29న రాష్ట్ర సాధనకు అమరణ నిరహారదీక్ష చేసి అదే రోజు జ్యూస్ తీసుకుని దీక్ష విరమించింది నిజం కాదా? ఈ దీక్ష విరమించటానికి కోట్లు తీసుకోని జ్యూస్ తాగినట్లు ఆయన అంటున్నారు. అంతేకాకుండా తెలంగాణ ఉద్యమాన్ని తన కుటుంబ ఉద్యమంగా మార్చుకుని స్వార్థ ప్రయోజనాల కోసం తెలంగాణ ఉద్యమాన్ని అడ్డుపెట్టుకుని సీమాంద్ర పెట్టుబడి దారులు, రాజకీయ నాయకుల నుంచి కోట్లాది డబ్బువసూలు చేసింది వాస్తవం కాదా అని గజ్జెల కాంతం నిలదీశారు. అంతేకాకుండా పారిశ్రామికవేత్తలు, కాంట్రాక్టర్ల వద్ద నుంచి కోట్లాది రూపాలయను తెలంగాణ ఉద్యమం పేరున కేసిఆర్, కవిత , కేటిఆర్ హరీష్ రావులు వసూలు చచేసింది వాస్తవమా? కాదా అన్నారు. తెలంగాణ ప్రజలకు లగడపాటి మీద లేని ద్వేషం పుట్టించి, కేసిఆర్ ముద్దులతో, ఐ లవ్ యు చెప్పుకుంటూ పార్టీ ఫండ్ కింద కోట్ల రూపాయలను తీసుకున్నది అందరి తెలుసునని గజ్జెల కాంతం అంటున్నారు. సకల జనుల సమ్మె 42 రోజులు కొనసాగిన ఉద్యమాన్ని కేసిఆర్ ఢిల్లీకి వెళ్లి కేంద్ర ప్రభుత్వంలోని కాంట్రాక్టులు, ప్యాకేజీలు మాట్లాడుకుని సకల జనుల ఉద్యమాన్ని తాకట్టు పెట్టి వచ్చి, సెగలతో రగులుతున్న ఉద్యమం పై నీళ్లు పోసింది కేసిఆర్ అని గజ్జెల కాంతం అంటున్నారు. కేసిఆర్ కాంగ్రెస్ తో ఒప్పందాలు చేసుకుని కుట్రలు పన్నుతున్నారని గజ్జెల కాంతం అంటున్నారు. ఇకనైన తెలంగాణ ప్రజలు తెలుసుకోని ఉద్యమం చేయాలని ఆయన అంటున్నారు.