Posted: 01/28/2013 09:05 PM IST

ఒకానొక సందర్భం లో ఈ హీరోకి 'ఫ్యామిలీ' హీరోగా యెనలేని గుర్తింపు. కాని మారుతున్న కాలం తో పాటు, ప్రేక్షకుల ఆలోచనల్లో, వారు సినిమా ను ఆస్వాదించే విధానం లో కూడా మార్పులు రావడం, వారు సినిమాల్లో కోరుకునే అంశాలు, ఎటువంటి కధలు చూడాలనుకుంటున్నారు, ఇలా ప్రతీ ఒక్క అంశం లో మార్పు రావడం తో పాటు, ఒక 'ఇమేజ్' నే కొనసాగిస్తూ, సినిమాలు చేస్తున్న ఈ హీరో వంటి మరికొంతమంది హీరోలు వెనక్కు తగ్గవలసి వచ్చింది...అయితే ఈ హీరో మాత్రం 'ఖడ్గం' వంటి సినిమాలు చేసి, తన పంధాను మార్చుకుని కొంత వరకు నేగ్గుకోచ్చినా, యువ హీరోలు, స్టార్ హీరోల ముందు ఈ హీరో సినిమాలు మంచి ఫలితాలని సాధించాలేకపోయాయనే చెప్పాలి.

ఈ మధ్యనే ఈ హీరో చేసిన రెండు సినిమాలు 'దేవరాయ', 'సేవకుడు' కూడా ఎప్పుడు విడుదల అయ్యాయో, వీటి ప్రదర్శనని ఎప్పుడు నిలిపి వేసారో కుడా ఎవ్వరికీ తెలియని పరిస్తితి ఏర్పడింది. ఇక ఈ కధానాయకుడు సోలో హీరోగా సైడ్ అయిపోవడం ఉత్తమం అని, ప్రధాన పాత్రలు పోషిస్తే బెటర్ అంటున్నారు సినీ పండితులు.మరి ఈ కధానాయకుడు ఏ నిర్ణయం తీసుకుంటాడో... అందమైన 'ఊహ' కి కలల రాకుమారుడైన ఈ రారాజు, నటుడిగా తదుపరి అడుగు ఎలా వేస్తాడో వేచి చూడాల్సిందే