Posted: 01/30/2013 06:51 PM IST

'సఖి' చిత్రం తో తేర మీదకు వచ్చిన నటుడు మాధవన్. ఆనతి కాలం లోనే అమ్మాయిల కలల రాకుమారుడిగా పేరుని, సినిమా ఆఫర్లని సంపాదించుకున్నాడు. వైవిధ్యమైన దర్శకుడు మణిరత్నం ఆవిష్కరణ అయిన మాధవన్, తన స్వయం కృషి తో ఈ రంగుల ప్రపంచం లో స్థానం సంపాదించుకున్నాడు. ఇంతవరకు, తమిళం, హిందీ లో తప్ప, తెలుగు లో ఒక్క డైరెక్ట్ చిత్రంలో కూడా నటించని మాధవన్, తమిళ సినిమాల డబ్బింగ్ పుణ్యమా అని, తెలుగు ప్రేక్షకులకు కూడా సుపరిచితమే.

అయితే తోలి రోజుల్లో రొమ్యాంటిక్ హీరోగానే కొనసాగిన మాధవన్, తన గురువు, మని రత్నం తీసిన 'గురు' చిత్రం లో నెగెటివ్ షేడ్ పాత్రను పోషించి, 'మాధవన్ అన్ని తరహా పాత్రలు పోషించగలడు' అని నిరూపించుకున్నాడు. హిందీ లో కూడా 'తను వెడ్స్ మను' వంటి చిత్రాలతో కమర్షియల్ విజయాలను సొంతం చేసుకున్నాడు.అయితే ఈ మధ్యనే తమిళం లో విడుదల అయ్యి ఘన విజయం సాధించిన 'వేట్టేయి' చిత్రం లో యాక్షన్ హీరో తరహా పాత్రను పోషించిన మాధవన్ కి ఎంతో గుర్తింపు దక్కింది. ఈ ఆనందం లో ఇంకొక యాక్షన్ సినిమాలో నటించేందుకు అంగీకరించాడు.

ఇందుకోసం తన దేహాక్రుతిని మార్చుకునే పనిలో పడ్డాడట మాధవన్. త్వరలో సిక్స్ ప్యాక్ తో దర్శనం ఇచ్చినా ఆశ్చర్యపోనక్కరలేదు అంటున్నారు సినీ వర్గాలు. సో, రొమ్యాంటిక్ హీరోగానే కాక యాక్షన్ హీరోగా కూడా మరిన్ని సంవత్సరాలు సినిమా రంగంలో కొనసాగే ప్రయత్నం లో ఉన్నాడు మాధవన్...