Posted: 12/20/2012 11:50 AM IST

ప్రేమ కథలు తెరకెక్కించడంలో తనదైన శైలి కలిగిన గౌతమ్ మీనన్ దర్శకత్వం లో, ఈ నెల 14న విడుదల అయిన ఇంకొక పూర్తీ స్థాయి ప్రేమకథా చిత్రం, 'ఎటో వెళ్ళిపోయింది మనసు'... తెలుగు - తమిళం లో ఏక కాలం లో నిర్మించబడి, విడుదల అయిన ఈ చిత్రం, మంచి విజయాన్ని నమోదు చేసుకుంది, అయితే అక్కడక్కడా, 'కథని బాగా సాగదీసారు' అన్న విమర్శ కూడా వినిపిస్తోంది... అయినా, యువతని ఆకర్షిస్తోంది ఈ చిత్రం. తెలుగులో, నాని - సమంతల జోడి,ప్రేక్షకులని కట్టిపడేసింది... వీరిరువిరి మధ్య, భావోద్వేకంతో కూడిన, ప్రేమ సన్నివేశాలు, ఏంతో అందంగా తెర కెక్కించడంలో, దర్శకుడు, 100 శాతం విజయం సాధించాడు... దీనికి తోడు స్వర సామ్రాట్ ఇళయరాజా సంగీతం,
చిత్ర విజయానికి ఎంతగానో దోహదపడింది.

తన గత చిత్రాలతో పోలిస్తే, ఈ చిత్రంలో సమంత అందం, అభినయం ప్రేక్షకులని మరింత ఆకట్టుకున్నాయి... నాని నటన, అన్ని వర్గాల వారినీ కట్టిపడేసింది... అన్ని దశల్లో ఒకే వ్యక్తితో ప్రేమలో పడటం, విడిపోవడం తిరిగి కలుసుకోవడం అనే కధాంశం తో ఈ చిత్రం రూపొందింది. సినీ పండితుల ప్రకారం, ఇప్పుడు 'సర్ ఒచ్చారు', 'ఎముడికి మొగుడు' వంటి చిత్రాలు విడుదల అయినా, ప్రేమ కథా చిత్రం అయిన 'ఎటో వెళ్ళిపోయింది మనసు' తప్పకుండా, మంచి విజయాన్ని ఖాతాలో నమోదు చేసుకుంటుంది అని అంటున్నారు.