Posted: 11/24/2012 12:17 PM IST

దివంగత వైయస్ రాజశేఖర్ రెడ్డి కూతురు, వైయస్సార్ కాంగ్రెస్ పార్టీ అధ్యక్షుడు వైయస్ జగన్ మోహన్ రెడ్డి చెల్లెలు అయిన షర్మిల జగన్ జైలుకు వెళ్లినప్పటి నుండి ఆ పార్టీని తన భుజస్కందాల  పై వేసుకొని నడిపిస్తూ ఉన్న ఆమె త్వరలో రానున్న 2014 ఎన్నికల్లో పార్లమెంటు స్థానానికి పోటీ చేస్తుందనే వార్తలు వస్తున్నాయి. షర్మిళ పార్లమెంటు స్థానానికి పోటీ చేస్తే, ఎక్కడి నుండి చేస్తుంది ? తన అన్న పార్లమెంటు స్థానం అయిన కడప నుండి చేస్తుందా ? లేక వేరే దగ్గరి నుండి చేస్తుందా అంటే... దీని పై పలు రకాలుగా  అనుకుంటున్నారు.. మొదట ఆమె కడప నుంచి పోటీచేయాలని అనుకున్నా కానీ, జగన్ ఇప్పటికే తమ కుటుంబానికి చెందిన అవినాశ్ రెడ్డికి హామీ ఇచ్చారని, అయినా ఆ సీటు తనకే ఇవ్వాలని ఆమె కోరుతున్నట్లుగా కధనాలు వస్తున్నాయి. ఈమె పోటీ పలు ప్రచారాలు ఉన్నాయి. షర్మిలను ఉత్తరాంధ్ర నుంచి పోటీకి దించవచ్చని కొందరు చెభుతున్నారు. కేంద్ర మంత్రి పురందేశ్వరిని ఎదుర్కోవడానికి షర్మిలను విశాఖపట్నం నుంచి పోటీచేయించవచ్చని ఆ పార్టీలో కొందరు నాయకులు  అనుకుంటున్నారు . షర్మిల నిజంగానే లోక్ సభకు పోటీచేయాలని అనుకుంటున్నారా ? అదే నిజమైతే ఖచ్చితంగా కడప సీటే కోరుకుంటున్నారా ? లేక అన్న పార్టీని నిలబెట్టాలంటే.... ఎక్కడనుంచైనా సవాలుకు సిద్దపడుతున్నారా  ? అన్న విషయం పై క్లారిటీ రావాల్సి ఉంది. ఏది ఏమైనా పురందేశ్వరి పై చేస్తే పోరు టి.20 మ్యాచ్ లా ఉంటుందని  అంటున్నారు  రాజకీయ విశ్లేషకులు .