Posted: 08/29/2012 01:05 PM IST

రాష్ట్రంలో హైదరబాద్ తరువాత  వైజగ్ కు మంచిపేరు ఉంది. అయితే ఇప్పుడు వైజగ్ ను పర్యాటక  ప్రదేశంగా మార్చేందుకు  ప్రయత్నాలు జరుగుతున్నాయి.  ఇప్పడు అందులో బాగంగా వైజగ్  ప్రజలకు ఒక శుభవార్త ప్రకటించింది కేంద్రమంత్రి డి. పురందేశ్వరి.  అంతర్జాతీయ విమానాలు విశాఖ పట్టణంలో దిగాలని కోరుకున్న విశాఖ ప్రజల చిరకాల కోరిక త్వరలోనే నెరవేరనున్నదని కేంద్ర మంత్రి డి. పురం ధేశ్వరి అంటున్నారు. సెప్టెంబర్‌ 1 నుంచి రాత్రి 8 గంటల నుంచి 11 వారానికి మూడు రోజులు రాత్రిపూట విమానాలు దిగేందుకు కేంద్ర ప్రభుత్వం అనుమతి లభిం చిందన్నారు. దీంతో విశాఖ ప్రజలు నేరుగా సింగపూర్‌, శ్రీలంక, థాయ్‌ నుంచి వైజాగ్‌ చేరుకోవచ్చన్నారు.

కేరళ, తమిళనాడుకు అంతర్జాతీయ పర్యాటకుల తాకిడి అధికంగా వుందని, ఇప్పుడు మన రాష్ట్రంలోని పురాతన కట్టడాలు చూసేందుకు హైదరాబాదుతో పాటు, విశాఖ, దీనికి సమీపంలోని అరకు లోయ అందాలు వీక్షించేందుకు పర్యాటకులు అధిక సంఖ్యలో వస్తారని ఆశాభావం వ్యక్తం చేసినట్లు తెలుస్తోంది. అంతర్జాతీయ విమానాలు విశాఖ లో దిగే సౌ ర్యం అందుబాటులోకి వస్తే పర్యాటకం మరింత అభివృద్ధి చెందు తుంద న్నారు.పెట్టుబడులు పెరుగుతాయన్నారు. రక్షణ శాఖ, విమానాశ్రయ సంస్థ సమన్వయంతో ఈ సౌకర్యం అందుబాటులోకి రానున్నట్లు పురంధేశ్వరి వెల్లడించారు. ఇందుకు నావికాదళం సేవలను వినియోగించనున్నట్లు మంత్రి చెప్పారు. గత మూడేళ్లుగా రక్షణ శాఖ మంత్రి ఎకె. ఆంటోనిపై ఒత్తిడి తెచ్చి ఈ అనుమతులు సాధించినట్లు పురందేశ్వరి చెప్పినట్లు తెలుస్తోంది. .