Posted: 08/28/2012 06:57 PM IST

రాష్ట్రంలో మధ్యంతర ఎన్నికలు వస్తే వైఎస్ జగన్మోహన్ రెడ్డి సారథ్యంలోని వైఎస్ఆర్ కాంగ్రెస్ పార్టీ విజయ ఢంకా మోగించేందుకు సిద్ధంగా ఉందని తాజాగా ఎన్డీటీవీ నిర్వహించిన సర్వేలో వెల్లడైంది. ఈ సర్వే కొన్ని ఆసక్తికరమైన విషయాలను వెల్లడించింది. తెలంగాణలో ప్రజలు అదిక శాతం మంది జగన్ పై కేసులు పెట్టడాన్ని సమర్ధిస్తే, సీమాంధ్రలో వ్యతిరేకిస్తున్నారని తేలింది.ఇక్కడ కూడా తెలంగాణ ప్రాంతీయ వాదన బలంగా చేసైనా ఉండాలి.లేదా మరేదైనా కారణం ఉండాలి. తెలంగాణ అంశంలో తప్ప మన రాష్ట్రంలో సాధారణంగా సర్వత్రా ఒకేరకమైన అభిప్రాయం వ్యక్తం అవుతుంటుంది. అయితే జగన్ కు ముఖ్యమంత్రిగా నలభై ఎనిమిది శాతం, చంద్రబాబు నాయుడుకు పద్దెనిమిది శాతం, కెసిఆర్ కు పదిహేడు శాతం, కిరణ్ కు పదకుండు శాతం మంది మాత్రమే మద్దతు ఇస్తున్నట్లు సర్వే తెలిపింది. చంద్రబాబు కు ప్రజలలో పలుకుబడి అంతగా తగ్గడం ఆశ్చర్యం కలిగించే అంశమే. ఈ సర్వేనే ఇప్పుడు రాష్ట్రంలో అనుమానాలకు బీజం వేస్తోంది. ఈ సర్వేలో అసలు ప్రధాన ప్రతిపక్షం తెలుగుదేశం పార్టీకి ఎలాంటి స్థానం కనిపించకపోవడమే టీడీపీకి, ఇతరులకు సర్వేపై పలు అనుమానాలు రేపుతోంది. దీనికితోడు రాష్ట్ర ముఖ్యమంత్రిగా జగన్ 42 శాతం, చంద్రబాబుకు 18 శాతం, కేసీఆర్ కు 17 శాతం, ముఖ్యమంత్రి కిరణ్ కు 11 శాతం, చిరంజీవికి 6 శాతం మంది ప్రజల మద్దతు లభించిందని తేల్చారు.

అయితే అసలు ఎలాంటి ఉప ఎన్నికలు గానీ, ఏవీ లేని సమయంలో ఈ సర్వే ఎందుకన్న మొదటి ప్రశ్న తలెత్తుతోంది. ఇక జగన్ పత్రిక సాక్షి ఎడిటోరియల్ బోర్డును ఎన్డీటీవీ టేకోవర్ చేసింది. కాబట్టి జగన్ తో అనుబంధమున్న ఈ సంస్థ జగన్ కు అనుకూలంగా కాక వ్యతిరేకంగా వార్తలు ఎందుకు వేస్తుందని అన్న ప్రశ్న రెండోది. ఇక సోనియాతో ఎన్డీటీవీ జర్నలిస్ట్ బర్ఖాదత్ కు సన్నిహిత సంబంధాలున్నాయి అందుకే జగన్ ఆ ఛానల్ తో సంబంధాలు పెట్టుకున్నట్లు తెలుస్తోంది. ఇక ఎన్డీటీవీ అధినేత ప్రణయ్ రాయ్ సర్వేలకు వ్యతిరేకం. ఇక ఈ సంస్థకు ప్రపంచవ్యాప్తంగా సంబంధాలున్నాయి. అలాంటిది కేవలం జగన్ కోసం ఇలాంటి సర్వేలు చేస్తుందా అన్నది మూడోప్రశ్న. మీడియా సంస్థలు ఎన్నికల సమయంలో ఇలాంటి సర్వేలు చేస్తాయి. కానీ ఈ సమయంలో ఈ సర్వే ఎందుకు చేశారు. ఈ డిసెంబరుతో సాక్షితో ఎన్డీటీవీ ఒప్పందం ముగుస్తున్న నేపథ్యంలోనే ఈ సర్వే చేశారా అన్నది నాలుగో ప్రశ్న. మొత్తానికి ఈ సర్వేతో ఎన్డీటీవీ టీడీపీకి ఓ పరీక్ష పెట్టినట్లయింది.