Posted: 08/22/2012 04:24 PM IST

ఈ మధ్య కాలంలో సినిమా ఇండస్ట్రీకి కొత్త కొత్త ఫిగర్లు ఇంపోర్టు అవుతుండటంతో ఒకప్పుడు స్టార్ హీరోయిన్లుగా వెలుగొందిన భామలకు పూర్తిగా అవకాశాలు లేకుండా పోయాయి. దీంతో వారు ఇండస్ట్రీలో నిలదొక్కుకోవడానికి నానా తంటాలు పడుతున్నారు. హీరోయిన్ గా కాకున్న చివరకు ఐటెం సాంగులో నటించడానికి కూడా మొహమాటం పడటం లేదు. ఇలాంటి పరిస్థితే తాజాగా బాలీవుడ్, టాలీవుడ్ హీరోయిన్ అయిన అమీషా పటేల్ కి వచ్చింది. తెలుగు అగ్ర హీరోలు అయిన పవన్, బాలక్రిష్ణ, ఎన్టీఆర్, మహేష్ బాబు లాంటి వాళ్ళతో నటించి క్రేజీ హీరోయిన్ గా పేరు తెచ్చుకుంది. ఆ చిత్రాలలో ఒకటో, రెండో తప్పితే ఏవి పెద్దగా ఆడలేదు. దీంతో అమీషాను మళ్ళీ పిలిచే వారు కరువయ్యారు.

అమీషా అందంలోనూ, అందాలు ఆరబోయడంలో ఎలాంటి హద్దులు పెట్టుకోదు. ఆమె గతంలో నటించిన చిత్రాలలో కూడా చాలా గ్లామర్ గా నటించింది. మహేస్ నానిలో ఆరబోసిన అందాలకు జనాలు ఫిదా కూడా అయ్యారు. బాలీవుడ్‌లో మంచి మంచి అవకాశాలు వచ్చినా అమీషాకెందుకో కలిసిరాలేదు. ప్రస్తుతం అవకాశాలకోసం ఎదురుచూస్తూ ఎక్స్‌పోజింగ్‌కైనా సిద్ధమంటోంది. మీరు ఈ వయస్సులో ఎక్స్ ఫోజింగ్ చేయడం ఏంటని అడిగితే.. నాకు వయస్సుతో పనిలేదు, నా వయస్సు పెరిగినా నాలో వన్నె తగ్గలేదు. నా అందం తరగని వెన్నెల లాంటిది అని చెప్పుకుంటూ... ఒక్క ఛాన్స్ ఇచ్చి చూడండి... నా అందం ఎంత ఉందో అంత చూపిస్తా అని అంటోంది. మరి ఇప్పుడు వయస్సు మీదున్న ఐటెం భామలు ఇండస్ట్రీలో కొల్లలుగా ఉన్నారు. మరి అమీషాకి ఐటెం సాంగులో ఎవరు అవకాశం ఇస్తారో చూడాలి.