Posted: 08/14/2012 05:14 PM IST

కాంగ్రెస్ ప్రధాన  కార్యదర్శి  రాహుల్ గాంధీ వైఎస్ జగన్ పార్టీని  ప్రైవేట్ లిమిటెడ్ కంపెనీ గా గుర్తించారు. వైఎస్సార్ కాంగ్రెస్ పార్టీ ఓ ప్రైవేట్ లిమిటెడ్ కంపెని. అలాంటి కంపెనీల వల్ల బలహీన  వర్గాలకు న్యాయ జరగదు. బీసీలకు కాంగ్రెస్ వంటి జాతీయ పార్టీలే న్యాయం చేస్తాయి అని కాంగ్రెస్ జాతీయ ప్రధాన కార్యదర్శి రాహుల్ గాంధీ అన్నట్లు కాంగ్రెస్ పార్టీ బీసీ నేతలు నారగోనీ, పిఎన్ జనార్దన్, యాదగిరి, కాపర్తి మోహన్ లు తెలిపారు.తెలుగుదేశం పార్టీ రాష్ట్రంలో వచ్చే ఎన్నికల్లో బీసీలకు వంద సీట్లు అని ప్రకటించిన నేపథ్యంలో వారు రాహుల్ ను కళిశారు. గత ఎన్నికల్లో కాంగ్రెస్ బీసీలకు 68 సీట్లు మాత్రమే ఇచ్చిందని, ప్రజారాజ్యం, టీడీపీలు వంద సీట్లు ఇచ్చాయని చెప్పగా ఈ సారి రాష్ట్రంలో అధిక సీట్లు కేటాయించేలా చూస్తామని హామీ ఇచ్చినట్లు తెలిపారు. అవినీతి పరులకు, అస్మదీయులకు కాంగ్రెస్ లో టికెట్లు దక్కుతున్నాయని చెప్పగా అలా జరగకుండా న్యాయం చేస్తామని అన్నట్లు తెలిపారు. దాదాపు 20 నిమిషాలు రాష్ట్రం గురించి రాహుల్ చర్చించినట్లు వారు తెలిపారు.