Posted: 08/11/2012 04:29 PM IST

టాలీవుడ్ లో దాసరి పేరు చెపితే చాలు .. ముందుగా గుర్తుకు వచ్చేది వివాదాలు, విమర్శలు. మెగా స్టార్ చిరంజీవి పై దాసరి చేసిన విమర్శలే  మొదటిగా అందరికి గుర్తుకు వస్తాయి. అయితే  టాలీవుడ్ లో  సీనియర్  దర్శకుడు అయిన దాసరి నారాయణ రావు దగ్గర ఎంతో మంది శిష్యరికం చేసిన వారు చాలా మంది టాలీవుడ్ లో  ఉన్నరని దాసరి సన్నిహితులు అంటున్నారు.  దాసరి మొదటి నుండి  మెగా కుటుంబం అంటే  ఆయన పెద్ద పడదాన్న విషయం  ప్రతి ఒక్కరి తేలిసిందే . అయితే  నందమూరి వంశం బాలయ్య అంటే దాసరికి చాలా ఇష్టమాన్న విషయం తెలిసిందే. బాలయ్య  చేసే ప్రతి ఫంక్షన్ లకు  దాసరి తప్పనిసరిగా ఉంటాడు.  మెగా కుటుంబానికి మాత్రం చాలా దూరంగా ఉంటాడు  దాసరి. చివరకు  మెగా స్టార్ తనయుడి పెళ్లి విషయంలో కూడా  దాసరి రాజకీయం చేసినట్లు అప్పట్లో వార్తలు వచ్చాయి. 

అయితే గతాన్ని పక్కన పెడితే..  బాలయ్యకు సన్నిహితంగా  వుండే  దాసరి , ఈ సారి రూట్ మార్చినట్లు తెలుస్తోంది.  రీసెంట్ జరిగిన  బాలయ్య తాజా సినిమా  ‘శ్రీమన్నారాయణ’  ఆడియో  విడుదల  వేడుకలో  కన్పించకపోవటం పై అనేక పుకార్లు షికార్లు చేస్తున్నాయి .  సేమ్  అదే సమయంలో , మెగా ఫ్యామిలీ నుంచి వచ్చిన  హీరో  అల్లు అర్జున్  సినిమా  ‘జులాయి’ ఆడియో రైట్స్  మాత్రం  దాసరి సొంతం చేసుకున్నట్లు టాలీవుడ్ లో టాక్.   ఈ విషయాన్ని బట్టి దాసరి మళ్లీ  మెగా ఫ్యామిలీకి దగ్గరవుతున్నారన్న ప్రచారం జోరుగా సాగుతుంది.   సినీ  ఇండస్ట్రీలో  ఎప్పుడు ఎవరు ఎలా మారుతారో  ఎవరు చెప్పలేరు.  అందరి ముందు  వేదిక తిట్టడం ..  మళ్లీ వెంటనే  సర్థుకుపోవడం .. అబ్బో భలే  విచిత్రంగా  ఉంటాయి సినీ సంబంధాలు . అయితే మొత్తం దాసరి దారి తప్పాడా? దాసరి అడుగులు మెగా ఫ్యామిలీ వైపు నడుస్తున్నాయా?  ఏమో , ముందు ముందు   ఏం జరుగుతోందో ఇప్పుడే చెప్పలేం? కొన్ని రోజులు ఆగాల్సిందే.