Posted: 08/08/2012 03:37 PM IST

ఇప్పటి వరకు  అన్ని ప్రైవేట్  టీవీ ఛానల్ మాత్రమే ఉన్నాయి.   రాష్ట్రంలో కాంగ్రెస్ పరిస్థితిని మెరుగుపరచడానికి ఏర్పాటైన కమిటీకి నేతృత్వంలో వహించిన మంత్రి ధర్మాన ప్రసాదరావు మిగిలిన విషయాల సంగతి ఎలా ఉన్నా టీవీ చానల్ పై ఎక్కువ ఆసక్తి చూపుతున్నారట.సంక్షేమ కార్యక్రమాలను ప్రజల్లోకి తీసుకుపోవడానికి ప్రభుత్వానికొక టీవీ చానల్ అవసరమని, ఆ దిశగా ఆలోచన చేస్తున్నామని ప్రసాదరావు  అంటున్నారు. ప్రాంతీయ పార్టీలు ఒక్కో పేపర్, రెండేసి చానళ్లతో ప్రభుత్వ పథకాలపై అసత్యాలను ప్రచారం చేస్తూ పబ్బం గడుపుకోవాలని చూస్తున్నాయని ఆయన విమర్శించారు. ఇటువంటి పరిస్థితుల్లో చేసిన పనులను చెప్పుకోవడానికిగాను ప్రభుత్వానికి ఒక చానల్ అవసరమని ధర్మాన స్పష్టం చేసినట్లు తెలుస్తోంది.

అయితే దర్మాన ఆద్వర్యంలోనే టీవీ చానల్ ఏర్పాటు చేయాలన్నది ఆయన ఉద్దేశమో, ఏమో కాని ఇప్పుడు ఏర్పాట్లు ఆరంభిస్తే చానల్ వచ్చేసరికి ఎన్నికల ముహూర్తం దగ్గరపడే అవకాశం ఉందని కొంత మంది కాంగ్రెస్ నాయకలు అంటున్నారు. మరి కొంత మంది నాయకులు  ప్రభుత్వ చానల్  ప్రచారానికి ఆస్కారం ఉండదని అంటున్నారు. ఆ తర్వాత ఎన్నికలలో వీరు గెలిస్తే ఒకే. లేకుంటే వచ్చే కొత్త ప్రభుత్వానికి వీరు మరో ఆయుధాన్ని ఇచ్చినట్లు అవుతుందేమో!అయినా ఛానళ్లతోనే రాజకీయాలు మారిపోతాయా?  అయిన ఏ పుట్టలో ఏ పాము ముందో ఎవరి తెలుసు. అసలు మంత్రి గారి మనసులో ఏముందో?  తమినాడు  మాదిరే..  టీవీ ఛానల్  మన ప్రభుత్వం కూడా  పెడుతుందట.  అంటే అక్కడ  జయ టీవీ, కరుణాకరణ్ టీవీ , పేర్లతో టీవీ చానల్ ఉన్నాయి. మరీ మన దగ్గర ఒక వేళ పెడితే .. సోనియా  టీవీ, రాజీవ్ టీవీ, లేదా కిరణ్ టీవీ , ఇందిరమ్మ టీవీ అనే పేర్లు పెడతారేమో అని  సీనియర్ కాంగ్రెస్ నాయకులు గుసగుసలాడుకుంటున్నారు.