Posted: 07/12/2012 04:52 PM IST

ప్రజల ఓట్ల కోసం రాజకీయ నాయకులు ఎన్ని పాట్లు పడుతారో తెలిసిన విషయం.  ప్రజల ఓటులతో గెలిచిన నాయకులు. తమ ఓటు హక్కు వినియోగించుకోవటం కోసం చేసే కొత్త పాట్లు ఇప్పుడు జగన్ చేస్తున్నాడట.   రాష్ట్రపతి ఎన్నికల సందర్భంగా హైదరాబాద్ లో ఓటు వేయడానికి అనుమతి ఇవ్వాలని కేంద్ర ఎన్నికల కమిషన్ ను వై.ఎస్.ఆర్.కాంగ్రెస్ అధ్యక్షుడు జగన్మోహన్ రెడ్డి విజ్ఞప్తిచేశారు. ప్రస్తుతం జైలులో ఉన్న జగన్ ఈ ఓటు వేయడానికి వీలుగా బెయిల్ ఇవ్వవలసిందిగా కూడా సుప్రింకోర్టును కోరారు.ఈ లోగా ఈయన ఈ విజ్ఞప్తి పంపారు. వై.ఎస్.ఆర్.కాంగ్రెస్ పార్టీ ఓటింగ్ కు గైర్ హాజరు కావడం లేదన్న సంకేతాన్ని ఇచ్చింది. బిజెపి మద్దతు ఇస్తున్న సంగ్మాకు ఓటు వేయడానికి వై.ఎస్.ఆర్.కాంగ్రెస్ పక్షాన సిద్దపడరు కనుక ప్రణబ్ ముఖర్జీకే ఓటు వేసే అవకాశం ఉన్నట్లు కనబడుతోంది. అయితే ఇప్పుడు ప్రత్యర్ది తెలుగుదేశం పార్టీ వై.ఎస్.ఆర్.కాంగ్రెస్ పై విమర్శలు చేసే పరిస్థితి వస్తుంది.కాంగ్రెస్ తో రాజీ పడ్డారని టిడిపి ఆరోపించింది. ఇంతకాలం కాంగ్రెస్,టిడిపి లు మాచ్ ఫిక్సింగ్ అంటూ వై.ఎస్.ఆర్.కాంగ్రెస్ ఆరోపణలు చేస్తున్న నేపద్యంలో టిడిపికి ఇది ఒక పాయింట్ అవుతుంది.కాగా టిడిపి మొదట ప్రణబ్ కు ఓటు వేయాలని అనుకున్నా,తాజాగా ఓటింగ్ కు దూరం అవ్వాలని భావిస్తోంది.