Posted: 07/12/2012 03:28 PM IST

ఆమె నన్ను రేప్ చేసిందని ఒక అమ్మాయి పోలీసులకు రిపోర్టు చేసింది. ఆమె, అమ్మాయిని రేప్ చెయ్యటం ఏమిటి? అనుకుంటున్నారా? ఈ స్టోరీ మనకు తెలిసిందే.  పింకి అనే పేరు వినే ఉంటారు. ఇప్పుడు పింకి ఆమె కాదట? ఆమెలో మగాడు ఉన్నాడని  డాక్టర్లు చెబుతున్నారు. అయితే ఆమెను టెస్ట్ పేరుతో.. అమానుషంగా పింకి చూపించారని ఆమె చెబుతుంది. పోలీస్ కస్టడీ సమయంలో తన పట్ల ఖాకీలు అమానుషంగా ప్రవర్తించారని ఆసియా గేమ్స్ స్వర్ణ పతక విజేత పింకీ ప్రామాణిక్ తెలిపింది. పోలీసులు కాళ్లూచేతులు కట్టేసి లింగ నిర్ధారణ ప రీక్ష నిర్వహించారని ఆరోపించింది. అత్యాచారం ఆరోపణలతో 26 రోజు లు జైల్లో ఉన్న పింకీ  బెయిల్‌పై విడుదలైంది. 'పోలీసులు నా కాళ్లుచేతులు కట్టేసి లింగ నిర్ధారణ పరీక్ష నిమిత్తం ఓ ప్రైవేటు ఆసుపత్రికి తీసుకెళ్లారు. ఎంత ఏడ్చినా, ప్రతిఘటించినా ఎవ్వరూ పట్టించుకోలేదు' అని పింకీ ఆరోపించింది. ఎవరైతే తనపై అత్యాచారం ఆరోపణలు చేశారో ఆమె గతంలో తనను డబ్బు అడిగిందని.. ఇవ్వకపోవడంతో ఈ విధంగా కేసు పెట్టిందని పింకీ చెప్పింది. తన న్యాయవాదులతో మాట్లాడి న్యాయపోరాటం చేస్తానని పింకీ పేర్కొంది. పింకీని పోలీసులు వేధిస్తున్నారన్న ఆరోపణలతో ఈ నెల 6వ తేదీని వేసిన పిటీషన్‌ను కోల్‌కతా హైకోర్టు విచారణకు స్వీకరించిన సంగతి తెలిసిందే.

అయితే దీనిపై రెండు వారాల్లోగా విచారణ జరిపి అఫిడవిట్ దాఖలు చేయాల్సిందిగా పశ్చిమ బెంగాల్ ప్రభుత్వాన్ని కోర్టు ఆదేశించింది. మరోవైపు ఈ విషయంపై విచారణ చేయాల్సిందిగా పశ్చిమ బెంగాల్ మానవ హక్కుల కమిషన్ ఆ రాష్ట్ర హోం, ఆరోగ్య, పోలీసు శాఖలను ఆదేశించింది. పోలీసుల వేధింపుల విషయంలో తనకు అండగా నిలిచిన క్రీడాకారులందరికీ పింకీ కృతజ్ఞతలు తెలిపింది. క్రీడాకారులు తెలిపిన నిరసనను తాను జైల్లో ఉన్నప్పుడు పత్రికల ద్వారా తెలుసుకున్నానని చెప్పింది. అయితే పింకీ మళ్లీ తన ఉద్యోగంలో చేరుతుందా అన్న ప్రశ్నకు ఆమె న్యాయవా ది తుహిన్ రాయ్ సమాధానమిస్తూ.. దోషిగా నిర్ధారణ కానంతవరకూ పనిచేసుకునే హక్కు ఎవరికైనా ఉంటుందని అన్నారు. పింకీ బెయిల్‌పై విడుదలైన సమయంలో తండ్రి దుర్గాచరణ్ ప్రామాణిక్, మాజీ ఎంపీ జ్యోతిర్మయి సిక్దర్ ఆమెతో కూడా ఉన్నారు. మరోవైపు తనకు న్యాయం జరిగేలా చూడమని.. బెంగాల్ ప్రభుత్వ క్రీడల మంత్రి మదన్ మిత్రాను కోరినట్టు పింకీ తెలిపింది. 'నా తండ్రి ఇప్పటికే మంత్రిని కలిసి మాట్లాడారు. నేను కూడా మంత్రిని కలిసి పరిస్థితి వివరించాను. దీనిపై విచారణ జరపాలను కోరాను. నా సహచరురాలు చేసిన ఆరోపణలన్నీ అబద్ధం. ఆమెకు కూడా పరీక్షలు నిర్వహించమని పోలీసులను కోరితే వారు నిరాకరిస్తున్నారు' అని పింకీ పేర్కొంది. పోలీసులు తనను ఎం దుకు వేధిస్తున్నారో తెలీడం లేదని ఆవేదన వ్యక్తం చేసింది. బెయిల్‌పై ఉదయం 10 గంటలకు విడుదలైన పింకీ.. తన ఇంటి తాళాలిమ్మని పోలీసులను అడగ్గా.. తొలుత తమ వద్ద లేవని చెప్పిన పోలీసులు మధ్యాహ్నం 2 గంటల ప్రాంతంలో ఇంటి తలుపులు తెరిచారు.

అత్యాచారం ఆరోపణలతో కేసు పెట్టిన రూమ్మేట్ బ్లాక్‌మెయిల్ చేస్తోందని పింకీ చెప్పింది. 'నా ఫొటోలను చూపిస్తూ.. నన్ను ఈ కేసులో ఇరికించిన నా రూమ్మేట్ ఇప్పటికీ బ్లాక్‌మెయిల్ చేస్తోంది' అని పింకీ పేర్కొంది. తనపై వచ్చిన ఆరోపణలపై వైద్య పరీక్షలు జరపకుండానే జైలుకు పంపారని.. 26 రోజుల జైలు జీవితాన్ని తానెన్నటికీ మరచిపోలేనని పింకీ చెప్పింది. తన న్యాయవాదితో కలిసి తదుపరి చర్యలపై చర్చిస్తానని తెలిపింది. లింగ నిర్ధారణ పరీక్షకు సంబంధించిన పింకీ నగ్న వీడియోను కొందరు యూ ట్యూబ్‌లో ఉంచిన సంగతి తెలిసిందే. పింకీ లింగ నిర్ధారణ వివాదం కేసు తుది దశకు వచ్చింది. పింకీలో పురుష లక్షణాలు అధికంగా ఉన్నట్టు, లింగ నిర్ధారణ పరీక్షలు నిర్వహించిన ఓ వైద్యుడు తెలిపారు. అత్యాచార కేసులో అరెస్టయిన పింకీకి కోర్టు ఆదేశాల మేరకు 11 మంది సభ్యుల బృందం క్రోమోజోమ్ పరీక్ష నిర్వహించిన సంగతి తెలిసింది. వీటి ఫలితాలను పశ్చిమబెంగాల్‌లోని ఎస్ఎస్‌కేఎం ఆస్పత్రికి నివేదించారు. వీటిని పరిశీలించిన మెడికల్ బోర్డు పింకీలో ఎక్కువగా పురుష లక్షణాలు ఉన్నట్టు నిర్ధారించింది. 'మహిళల్లో రెండు x క్రోమోజోమ్‌లు ఉంటాయి. వీటిని 46, xxగా పరిగణిస్తారు. పురుషుల్లో xy క్రోమోజోమ్‌లు ఉంటాయి. 46, xyగా పరిగణిస్తారు. పింకీలో ఎక్కువగా పురుషుల లక్షణాలు ఉన్నట్టు తేలింది. నివేదికను కోర్టుకు సమర్పిస్తాం' అని మెడికల్ బోర్డు సభ్యుడొకరు తెలిపారు. కాగా సాధారణ పురుషుడి మాదిరిగా అతడిలో పూర్తి లక్షణాలు లేవని, ఇలాంటి వ్యక్తి అత్యాచారం చేయడం సాధ్యంకాదని వివరించారు.