Posted: 07/10/2012 06:55 PM IST

తెలంగాణ రాష్ట్రసమితి అధ్యక్షుడు కల్వకుంట్ల చంద్రశేఖర్ రావు టీ ఉద్యోగ సంఘాల నేతలతో తన ఇంట్లో నిన్న (సోమవారం)ఓ సమావేశాన్ని ఏర్పాటు చేశాడు. గత కొన్ని సంవత్సరాల నుండి తెలంగాణ రాష్ట్రం వస్తుందని చెబుతూ... కాలం గుడుపుతున్న ఈయన నిన్న ఉద్యోగ సంఘాల నేతలతో జరిపిన సమావేశంలో తెలంగాణ రాష్ట్రం పై త్వరలో నిర్ణయం వెలువడబోతుందని, రాష్ట్రపతి ఎన్నికల తరువాత ఏదో ఒక నిర్ణయం వెలువబోతుందని, దానికి సంబంధించిన విశ్వసనీయ సమాచారం నాకు అందిందని చెప్పారు.

ఇంతవరకు బాగానే ఉన్నా కేసీఆర్ నిన్న ఉద్యోగసంఘాల నేతలతో దాదాపు 9 గంటలు మీటింగ్ జరిపాడని సమాచారం. తెలంగాణ రాష్ట్రం పై ప్రజల మనోభావాలను కాంగ్రెస్ పెద్దలతో, ప్రధానితో చెప్పేందుకు వెళ్ళినప్పుడు కేసీఆర్ ఎక్కువలో ఎక్కువ 30 నిమిషాల సమయం మాత్రం కేటాయిస్తారు. ఇక టీఆర్ఎస్ భవన్ లో నిర్వహించే సమావేశాలు ఓ గంట, రెండు గంటల సమయంలోనే ముగిస్తారు. కానీ నిన్న 9 గంటల సేపు మీటింగ్ జరిగింది. ఏంటా అని ఆరాతీస్తే... విశ్వసనీయ సమాచారం ప్రకారం కేసీఆర్ గారు ఉద్యోగ సంఘాల నేతలకు తమ ఇంట్లో మందు...విందు... పార్టీ ఇచ్చినట్లు సమాచారం. కేసీఆర్ మొదటి నుండి మధ్యం ప్రియుడు. దొరికిందే అవకాశం అనుకున్నాడో ఏమో కానీ ఉద్యోగ సంఘాల నేతలు, కేసీఆర్ కలిసి నిన్న ఫుల్లుగా ఎంజాయ్ చేశారని అనుకుంటున్నారు. ఇక ఉద్యోగ సంఘాల నేతలు అయితే... ‘‘సచ్చినోడి పెండ్లికి వచ్చిందే కట్నం అన్నట్లుగా’’... ఫుల్లుగా తాగి, తిని వెళ్లిపోయారని అనుకుంటున్నారు. ఇక ఈ విషయం తెలిసుకున్న జనం మాత్రం కేసీఆర్ కి తాగుడు తప్ప తెలంగాణ తెచ్చేది లేదు అని అనుకుంటున్నారు.