Posted: 07/05/2012 03:22 PM IST

రాజమౌళి  దర్శకత్వంలో తెరకెక్కిన గ్రాఫికల్ మూవీ ‘ఈగ’.  ఈగ సినిమా అడ్వాన్స్ టిక్కెట్లు  జూలై 4  మొదలయింది.  బుకింగ్ మొదలయిన 4 గంటల్లో  అన్ని ప్రముఖ  పట్టణాల్లో మూడు రోజులకు  గాని టికెట్లు బుక్  అయిపోయాయని  సమాచారం.  హాట్ కేకుల్లా  టికెట్లు  అమ్ముడు పోవడం డిస్ర్డిబ్యూటర్స్ కు సంతోషాన్ని  కలిగిస్తుంది.  ఇది చాలా ఈగ కోసం  ప్రేక్షకులు ఎంతగా ఎదురు చూస్తున్నారో  చెప్పటానికి.  కలెక్షన్స్ పరంగా కొత్త  రికార్డులను  నెలకొల్పనుందని  పలువురు  అంటున్నారు.  మరో 24 గంటల్లో ప్రముఖ దర్శకుడు ఎస్ఎస్ రాజమౌళి ఎంతో ప్రతిష్టాత్మకంగా తీసిన ‘ఈగ’ చిత్రం పలు భాషల్లో ఒకే రోజు విడుదలవుతుంది. నాని, సుదీప్ లు నటించిన ఈ చిత్రంలో ఈగను మెయిన్ క్యారెక్టర్ గా చేస్తూ రాజమౌళి తీసిన ఈ చిత్రంపై ఫిల్మ్ నగర్ లో పలు రకాల వాదనలు నడుస్తున్నాయి. ‘ఈగ’ను రాజమౌళి కూడా పలు విధాలుగా పబ్లిసిటీ చేస్తున్నాడు.

ఇందులో హీరో నాని కంటే ఎక్కువగా విలన్ సుదీప్ ఫోటోలనే పోస్టర్స్ పై ముద్రిస్తున్నారు. దీంతో పాటు ఈ చిత్ర సంగీత దర్శకుడు ఎంఎం కీరవాణి రీ రికార్డింగ్ విజువల్స్ ని ప్రచారానికి వినియోగిస్తున్నారు. అయితే ఈ చిత్రం హాలీవుడ్ అవతార్ మాదిరిగా రాజమౌళికి తెలుగు అవతార్ అవుతుందని కొందరు వాదిస్తున్నారు. తెలుగులో మొట్టమొదట 100 కోట్లు వసూలు చేసిన చిత్రమవుతుందని దర్శకుడు రాంగోపాల్ వర్మ ఇప్పటికే ట్వీట్ చేశాడు. మరికొందరు మాత్రం ఈ చిత్రం రాజమౌళికి బిగ్గెస్ట్ ప్లాప్ అని అంటున్నారు. మరి ‘ఈగ’ ఏమవుతుందో తెలియాలంటే 24 గంటలు ఆగాలి.