Posted: 07/05/2012 03:39 PM IST

మొదటి సారి ఒక సిఎం తన ఇచ్చిన  వరాన్ని  వెనక్కు తీసుకోవలసిన పరిస్థితి ఏర్పడింది. సీఎం తీసుకున్న నిర్ణయం పై  ఆ రాష్ట్ర ప్రజలు  విచారం వ్యక్తం చేశారు.  అందేకాకుండా ..ముఖ్యమంత్రి ఇచ్చిన వరాన్ని వెంటనే వెనక్కి తీసుకోకపోతే .. ఆందోళన చేస్తామని చెప్పటంతో .. సీఎం వెనకడుగు వేయవలసి వచ్చిందని యుపీ నాయకులు అంటున్నారు.   అంటే ప్రజలు తలచుకుంటే ఏమైన చెయ్యగలరు అనేది  రుజువు అయ్యిందని  యూపి మీడియా అంటుంది.  శానససభ్యులకు ఇచ్చిన వరాన్ని ఉత్తరప్రదేశ్ ముఖ్యమంత్రి అఖిలేష్ యాదవ్ వెనక్కి తీసుకున్నారు. అన్ని వైపుల నుంచి విమర్శలు రావడంతో ఆయన స్థానిక ప్రాంతీయాభివృద్ధి నిధి నుంచి 20 లక్షల రూపాయలతో కార్లు కొనుక్కోవడానికి శాసనసభ్యులకు ఇచ్చిన అనుమతిని ఆయన వెనక్కి తీసుకున్నారు. మీడియా రొద వల్ల చాలా మంది శానససభ్యులు కార్ల వరాన్ని అంగీకరించడానికి సిద్దంగా లేరని, దాంతో తన నిర్ణయాన్ని వెనక్కి తీసుకుంటున్నానని అఖిలేష్ యాదవ్ చెప్పారు. చాలా మంది శాసనసభ్యులు కార్లు కొనుక్కోలేని స్థితిలో ఉన్నారని, తాను ఇచ్చిన ఆర్డర్ శాసనసభ్యులందరి కోసం కాదని, ప్రతి ఒక్కరూ తీసుకోవాలనే నిబంధన ఏదీ లేదని ఆయన అన్నారు.

స్థానిక ప్రాంతీయాభివృద్ధి నిధుల నుంచి కారు కొనుక్కోవడానికి శాసనసభ్యులకు అనుమతిస్తూ అఖిలేష్ యాదవ్ అనుమతి ఇచ్చారు. వారి నియోజకవర్గాల్లో జరుగుతున్న అభివృద్ధి పనులను పర్యవేక్షించేందుకు ఈ కారును ఉపయోగించాలని ఆయన సలహా ఇచ్చారు. అయితే, ఎమ్ఎల్యేలు కొనుగోలు చేసే కారు ఖరీదు రూ.20 లక్షలకు మించరాదని కండిషన్ పెట్టారు.రాష్ట్ర అసెంబ్లీలో అఖిలేష్ యాదవ్ ఈ ప్రకటన చేశారు. కానీ, అనేక మంది ఎమ్ఎల్యేలు మాత్రం కారును కొనుగోలు చేసేందుకు ఈ ఆప్షన్ అవసరం లేదని తేల్చి చెప్పేశారు. ఎమ్మెల్యేలే  ఇలా కొనుగోలు చేసిన కారును 5 ఏళ్ల తర్వాత ప్రభుత్వానికి అప్పగించేయాలి లేదా అప్పటి మార్కెట్ వ్యాల్యూ ప్రకారం కారుకు తగ్గ ధరను ప్రభుత్వానికి చెల్లించి ఎమ్‌ఎల్యేలు కారును సొంతం చేసుకోవాలని యాదవ్ మరొక నిబంధన కూడా పెట్టారు.అయితే, యాదవ్ పార్టీలోని కొందరు మంత్రులు మాత్రం ఈ ప్రతిపాదను తిరస్కరించారు.