Posted: 06/04/2012 07:00 PM IST

విశ్వనాథన్  ఆనంద్  వివాదాలకు ఎప్పుడు దూరంగా ఉంటాడు. సౌమ్ముడిగా గుర్తింపు ఉంది.  ప్రత్యర్థి పై కూడా పరుషంగా ఎన్నడూ  వ్యాఖ్యలు చేసి దాఖాలు లేవు.  అలాంటి ఆనంద్    మాజీ ప్రపంచ  చెస్ ఛాంపియన్  , రష్యన్  చెస్ దిగ్గజం గ్యారీ కాస్పరోవ్ పై తీవ్రస్థాయిలో  ధ్వజమెత్తాడు. 2011 నుంచి తనను రిటైర్  చేయించేందు కు కాస్పరోవ్  ప్రయత్నిస్తున్నాడని   ఆనంద్ ఆరోపించాడు.  గెల్పాండ్ తో   ప్రపంచ చెస్  ఛాంపియన్ షిప్  జరుగుతున్న  సమయంలో  కాస్పరోవ్..  ఆనంద్ ప్రేరణ  కోల్పోయాడు . ఆనంద్ ఆట దిగజారింది.  లాంటి వ్యాఖ్యలు   చేసిన సంగతి తెలిసిందే. అయినా  ఆనంద్  ఏకాగ్రత  కోల్పోలేదు.  గెల్పాండ్ ను  ఓడించి   ప్రపంచ  చెస్  ఛాంపియన్ షిప్ ను  నిలబెట్టుకున్నాడు.   చెస్ కు దూరమయ్యానన్న బాధ  కాస్పరోవ్ లో ఉన్నట్లుంది   అందుకే ఇలాంటి వ్యాఖ్యలు చేసినట్లు ఆనంద్ చెబుతున్నాడు.  

ప్రపంచ చెస్ ఛాంపియన్ గా  లభించినంత  గుర్తింపు బహుశా  అతడికిప్పుడు లఛింటం లేదేమో. దీనికి తోడు  తొందరగా రిటైరయ్యాన్న బాధ ఉన్నట్లు ఉంది. అందుకే  అసహనంతో ఏవేవో  మాట్లాడుతున్నాడని ఆనంద్ అంటున్నారు. 2005 లో కాస్పరోవ్  రిటైరయ్యడు. 2011 నుంచి నన్ను  కూడా రిటైర్  చేయించేందుకు  ప్రయత్నిస్తున్నాడు . గత ఐదు సంవత్సరాలుగా తిరుగులేని ప్రపంచ చెస్ ఛాంపియన్‌ టైటిల్‌ను నిలబెట్టుకున్న విశ్వనాథన్ ఆనంద్ చెస్‌ని వదిలివేసే ఆలోచన లేదని అన్నాడు. ఐదవ సారి ప్రపంచ ఛాంపియన్ టైటిల్‌ను సాధించడం తనకు ఎంతో ఆనందానిచ్చిందని... ఐతే బోరిస్ గెల్ఫాండ్‌తో జరిగిన రాపిడ్ టైబ్రేక్‌లో విజయం సాధించడం కాస్త "క్లిష్టమైన" చర్యగా పేర్కోన్నాడు. ఐదవ సారి ప్రపంచ ఛాంపియన్ షిప్ తనకు మరింత బలాన్ని చేకూర్చిందని చెప్పాడు.  చెస్ ఆడడం నాకు చాలా సంతృప్తినిస్తుందని.. రిటైర్ అవ్వడానికి నాకు ఎటువంటి రీజన్ కనిపించలేదని తన దీర్ఘ కాలిక స్పాన్సర్ NIIT నిర్వహించిన సన్మానోత్సవ సభలో పాత్రికేయులతో మాట్లాడారు. అంతక ముందు వరల్డ్‌ చెస్‌ ఛాంపియన్‌గా నిలిచిన విశ్వనాథన్‌ ఆనంద్‌కు స్వదేశంలో ఘన స్వాగతం లభించింది. ఆనంద్‌ అభిమానులు, చెస్‌ ప్రముఖులు ఆనంద్‌కు చెనై ఎయిర్‌పోర్టులో ఘనంగా స్వాగతం పలికారు.