Posted: 04/27/2012 01:04 PM IST

మారిన కాలంతో పాటు పాశ్చత్య విష సంస్క్రతి కూడా పెరిగింది. దాంతో పదమూడు లేదా పద్నాలుగు సంవత్సరాల వయస్సు పిల్లలు కూడా శృంగారం వైపు మొగ్గు చూపుతున్నారు. కొందరు ఇష్టప్రకారం శృంగారానికి సై అంటే... మరి కొందరు దౌర్జన్యంగా ఎగబడి మరీ చిన్నపిల్లలయిన బాలికల జీవితాలను నాశనం చేస్తున్నారు. దీని కోసం కేంద్రప్రభుత్వం రక్షణ బిల్లును అమల్లోకి తెచ్చింది.

ఈ బిల్లుకు 2011 కేంద్ర మంత్రివర్గం ఆమోదం తెలిపింది. ఇక పై పరస్పర అంగీకారంతో అయినా సరే.. 18 ఏళ్లలోపు అమ్మాయిలతో శృంగారం ఇకపై నేరమే! మొన్నటికి మొన్న పరస్పర అంగీకారంతో మైనర్‌తో శృంగారంలో పాల్గొంటే నేరం కాదంటూ కోర్టు తీర్పు ఇచ్చింది. ఈ తీర్పు వెలువడిన రెండు రోజులకే దానికి విరుద్ధంగా కేంద్ర మంత్రివర్గం నిర్ణయం తీసుకోవడం విశేషం. ఈ చట్టం ప్రకారం 16-18 ఏళ్ల మధ్య వయస్కులు పరస్పర అంగీకారంతో శృంగారంలో పాల్గొన్నా ఇప్పటివరకు నేరంగా పరిగణించడం లేదు.

ఇప్పటి వరకు 16 – 18 సంవత్సరాల బాలికల పై ఎన్నో అత్యాచారాలు జరిగాయి. కానీ ఈ కేసులకు సబంధించి బలవంతం చేశారా? హింసించి అనుభవించారా? మత్తు మందులు ఇచ్చి లోబరుచుకున్నారా!? ఆమె అంగీకారంతోనే శృంగారంలో పాల్గొన్నారా? తదితర అంశాలను విచారిస్తున్నారు. బాలికలపై అత్యాచారం కేసులు నిర్వీర్యం కావడానికి ఈ లొసుగులు ఉపయోగపడుతున్నాయి. ఈ నేపథ్యంలోనే, ద ప్రొటెక్షన్ ఆఫ్ చిల్డ్రన్ ఫ్రమ్ సెక్సువల్ అఫెన్సెస్ బిల్‌కు కేంద్ర మహిళా, శిశు సంక్షేమ మంత్రిత్వ శాఖ కొన్ని సవరణలు ప్రతిపాదించింది.

వాటిని పరిశీలించిన పార్లమెంటరీ స్థాయీ సంఘం గత ఏడాది డిసెంబర్‌లోనే ఆమోదించింది. దాని ప్రకారం, శృంగారంలో పాల్గొనేందుకు కనీస వయసును 18 ఏళ్లకు పెంచింది. శృంగారంలో పాల్గొనే వయసును 18 ఏళ్లుగా నిర్ధారించిన తర్వాత.. ఇక, ఆ వయసులో అంగీకారంతోనా? అంగీకారం లేకుండానే అనే ప్రసక్తే ఉండదని తేల్చి చెప్పింది. అప్పటివరకు చట్టంలో ఉన్న పరస్పర అంగీకారం అనే పదాన్ని తొలగించాలని సూచించింది. ఈ చట్టంపై దేశప్రజల్లో అవగాహన కల్పించాల్సిన బాధ్యత కేంద్ర, రాష్ట్ర ప్రభుత్వాలదేనని చట్టంలో ప్రతిపాదించారు. ఇన్నాళ్ళకైనా ఓ మంచి నిర్ణయం తీసుకున్నందుకు హర్షిద్దాం.