Posted: 04/27/2012 01:28 PM IST

భార్య... మనకు జీవితాంతం తోడుండి కష్ట సుఖాల్లో పాలుపంచుకొని మనతోటి ఏడడుగులు నడిచిన ఆమె మనకంటే ముందే తనువు చాలిస్తే ఆ బాధ చెప్పలేనిది. అలాంటి భార్య చనిపోతే ఈజిప్టు సర్కారు కడసారి వీడ్కోలుకు కొత్త భాష్యం చెబుతోంది. భార్య కన్నుమూసిన ఆరుగంటల లోపు ఆమె భౌతికకాయంతో సంభోగం చేసే హక్కుని భర్తకు కట్టబెట్టే వింత చట్టానికి తెరతీసే ప్రయత్నాలు చేస్తుంది.

ఈ చట్టానికి 'ఫేర్‌వెల్ ఇంటర్‌కోర్స్ డ్రాఫ్ట్ లా' అనే అందమైన పేరు కూడా పెట్టింది. అంటే.. వీడ్కోలు సంభోగానికి ముసాయిదా చట్టమన్నమాట! ఈ చట్టానికి సంబంధించి తమ ఆందోళనలను వ్యక్తం చేస్తూ అక్కడి నేషనల్ కౌన్సిల్ ఫర్ విమెన్ అధ్యక్షురాలు డాక్టర్ మెర్వత్ అల్ తలావీ.. ఈజిప్షియన్ పీపుల్స్ అసెంబ్లీ స్పీకర్ డాక్టర్ సాద్ అల్ కతాత్నికి లేఖ రాసినట్టు ఓ పత్రిక ప్రచురించింది.

ఈ మాట వినడానికే కటువుగా ఉంది. కానీ, ఈ అంశంపై ఈజిప్టులో ఏడాదికాలంగా చర్చ జరుగుతూనే ఉంది. మరణం తర్వాత కూడా వివాహం చెల్లుబాటు అవుతుందని మొరాకో మత పెద్ద జమ్‌జామీ అబ్దుల్ బారీ అనడమే ఇందుకు కారణం! చనిపోయిన భర్తతో శృంగారంలో పాల్గొనే హక్కు భార్యకు ఉందని ఆయన వ్యాఖ్యానించారు. ఆయన వ్యాఖ్యలు అప్పట్లో తీవ్ర సంచలనం సృష్టించాయి. కానీ, తాజాగా వాటినే ఈజిప్టు రాజకీయ నాయకులు అందిపుచ్చుకున్నారు. దీనిని ఏకంగా చట్టంగా చేయాలనిభావిస్తున్నారు. దీనిపై అనేక వర్గాల నుండి నిరసన కూడా వ్యక్తం అవుతుంది. దీని తుది తీర్పు ఏవిధంగా ఉంటుందో చూడాలి.