Posted: 04/14/2012 06:01 PM IST

ధోనీ వన్డేలు, టి20లో అధ్బుతమైన కెప్టెన్ ఇందులో ఎటువంటి సందేహాం లేదు.. ఐతే టెస్టుల విషయానికి వస్తే అతనిలో కాస్త తెలివితేటలు తగ్గాయని అంటున్నారు . టీమిండియా మాజీ కెప్టెన్ మహామ్మద్ అజారుద్దీన్ కెప్టెన్ మహేంద్ర సింగ్ ధోని తెలివైన టెస్ట్ కెప్టెన్ కాదని అన్నారు. ధర్మశాల స్టేడియంలో భారతదేశ పార్లమెంట్ సభ్యులకు, బ్రిటిష్ పార్లమెంట్ సభ్యులకు మధ్య జరిగిన సరదా మ్యాచ్‌లో భారతదేశ పార్లమెంట్ సభ్యులకు కెప్టెన్‌గా వ్యవహారించిన మహామ్మద్ అజారుద్దీన్ తన అభిప్రాయాన్ని తెలిపాడు.

వన్డేలు, టి20 మ్యాచ్‌లకు ధోని సరిపోయినంతగా.. టెస్టు మ్యాచ్‌లకు సరిపోడనేదని నా అభిప్రాయం అని అన్నాడు. నిజం చెప్పాలంటే మూడు ఫార్మెట్లకు ముగ్గురు కెప్టెన్లు తప్పనిసరిగా ఉండాలన్నాడు. మంచి ఆటగాడు ఎటువంటి ఫార్మెట్ లోనైనా వెంటనే ఇమడగలిగే సామర్ద్యం ఉంటుంది. ఫార్మెట్ ఏదైనా సరే మంచి క్రికెటర్స్ ఎప్పుడూ అధ్బుతంగానే వారియొక్క ప్రదర్శనను కనబరుస్తానడని అజారుద్దీన్ తెలిపాడు.

ధోని మంచి ఆటగాడు. అతని మీద కెప్టెన్సీ ఒత్తిడి లేకుంటే ఇంకా మంచి ప్రదర్శనను కనబరుస్తాడు. టెస్టు క్రికెట్లో ధోని స్దానాన్ని ఎవరైనా జస్టిఫై చెయ్యగలరా.. కానీ అతను కెప్టెన్ కాబట్టి అతనిని గౌరవిస్తామనేది నా అభిప్రాయం అని అన్నాడు. ఇటీవల ఇంగ్లాండ్, ఆస్టేలియాలో జరిగిన టెస్టు మ్యాచ్‌లను గనుక గమనిస్తే ధోని కాన్పిడెన్స్ తక్కువగా ఉన్న విషయం గమనించవచ్చు.టెస్టు క్రికెట్లో రాహుల్ ద్రవిడ్ స్దానాన్ని ఎవరు భర్తీ చేయగలరు అన్న ప్రశ్నకు గాను.. రాహుల్ ద్రవిడ్ స్దానానికి రోహిత్ శర్మ తగిన న్యాయం చెయ్యగలడని అన్నారు. రోహిత్ శర్మ మంచి నైపుణ్యం ఉన్న ఆటగాడు. అతనికి అన్ని రకాల ఫార్మెట్లలో ఆడే అవకాశాన్ని కల్పించాలి. ఇక విరాట్ కోహ్లీ విషయానికి వస్తే తన స్దానాన్ని పదిలం చేసుకున్నాడు. 

ఇండియన్ ప్రీమియర్ లీగ్‌ (ఐపిఎల్)-5లో ఎక్కువ మ్యాచ్‌లు ఉండడంతో యువ ఆటగాళ్లు సరైన ప్రదర్శనను కనబర్చలేక పోతున్నారనే విషయాన్ని అజారుద్దీన్ కొట్టిపారేశారు. టి20, టెస్టు క్రికెట్ రెండూ కూడా రెండు రకాల ఫార్మెట్లు. యువ ఆటగాళ్లు మంచి ప్రదర్శనను కనబరుస్తుంటే తప్పులు పెద్దగా వెతకరు. అదే గనుక రెండు మూడు మ్యాచ్‌లలో ఫెయిల్ ఐతే వెంటనే వారి ప్రదర్శనను విమర్శిస్తుంటారు.

అసలు ధోని విమర్శలు చేస్తున్న అజారుద్దీన్ ఒక్కసారి తన గతం గుర్తుకు తెచ్చుకోవాలి. ఎందుకంటే.. అజారుధ్దీన్ లాగా ధోని ఏ కుంభకోణంలోను ఇరుక్కుకోలేదు కాబట్టి. ఎవరైన ఇతరులను విమర్శన చేసే ముందు మనపై ఉన్న విమర్శను గుర్తుకు తెచ్చుకోవాలని.. ధోని అభిమానులు అంటున్నారు.