Posted: 03/15/2012 04:37 PM IST

ఇప్పుడు టాలీవుడ్ హీరోయిన్స్ మద్య పోటీ పెరిగిపోయింది. పోటీ అంటే సినిమాల పోటీ కాదు. కొత్త బాషల నేర్చుకోవటంలో ఈ ముద్దుగుమ్మలు పోటీపడుతున్నారు. 12 సంవత్సరాల నుండి టాలీవుడ్ టాప్ హీరోయిన్ గా ఉన్న త్రిష .. ఇటీవల కాలంలోనే.. ఒక గురువు దగ్గర తెలుగు నేర్చుకున్న విషయం తెలిసిందే. అలాగే తెల్లపిల్ల తాప్పి కూడా .. తమిళం ,తెలుగు రెండు బాషలు నేర్చుకుంటుంది. తాప్సీ తెలుగు నేర్చుకోవటంతో ఆమె తన సినిమాలకు డబ్బింగ్ చెప్పే స్థాయికి వెళ్లిన విషయం తెలిసిందే. అలాగే కోలీవుడ్ బిజీ అయిన తెలుగు హీరోయిన్స్ , తమన్నా, హన్సిక , వీరు కూడా తెలుగు, తమిళం బాషలను నేర్చుకుంటున్నట్లు తెలుస్తుంది. తమన్న మొన్న జరిగిన ‘రచ్చ’ ఆడియో ఫంక్షన్ లో కొంచెం తెలుగు మాట్లాడిన విషయం టాలీవుడ్ వారికి తెలిసిందే. ఇప్పుడు ఇదే బాటలో .. మగధీర లవర్ ఉందని టాలీవుడ్ వర్గాల సమాచారం.

కాజల్ కు తెలియనిది తెలుసుకోవడం చాలా ఇష్టమని చెబుతుంది. అందుకే రష్యన్ భాషను నేర్చుకోవటానికి చాలా కుస్తీ పడుతుందని..తమిళ వర్గాలు అంటున్నాయి. తమిళంలో పెద్ద హిట్స్ చూడని ముద్గుగుమ్మ కాజల్ అగర్వాల్ ఇప్పుడు రష్యా భాష నేర్చుకుంటోందట. సూర్యతో కలిసి మాత్రాన్ తమిళ సినిమాలో నటిస్తుంది. ఈ సినిమాలో సహజంగా కనిపించడానికి ఆమె రష్యా భాషపై పట్టు సాధించాలని పట్టుబడుతోందని అంటున్నారు. ఈ సినిమా రెండు భాషల్లో నిర్మితమవుతోంది. ఈ సినిమాలో కాజల్ పోషిస్తున్న పాత్ర రష్యన్ భాషను గలగలా మాట్లాడేస్తోందట. పర్ఫెక్ట్ డిక్షన్ కోసం ఆమె రష్యా భాషలో ప్రావీణ్యం సంపాదించాలని అనుకుంటోందని చెబుతున్నారు.

రష్యా భాషను నేర్పడానికి రష్యా నుంచి ఓ శిక్షుకుడిని పిలిపించుకున్నట్లు సమాచారం. ఆమె చాలా తొందరగా పరాయి భాషపై పట్టు సాధిస్తోందని చెబుతున్నారు. రష్యన్ భాషలో కాజల్ మాట్లాడే తీరు చూసి.. ఆ చిత్ర యూనిట్ సభ్యులు ఆనందం వ్యక్తం చేస్తున్నారట. కాజల్ రష్యన్ బాష బాగా నచ్చిందట . అందుకే నేర్చుకోవడం సులువైందని కాజల్ చెబుతుంది. చిత్రం చాలా భాగం షూటింగ్ రష్యాలో జరిగింది. ఈ సినిమాకు కెవి ఆనంద్ దర్శకత్వం వహిస్తున్నారు.