Posted: 03/12/2012 08:55 PM IST

పూర్వం కాలంలో నీ ముక్కు ఎక్కడ ఉంది రా.. అంటే వాడు వాని తల చుట్టు చేయి తిప్పి... ఇదిగో ఇక్కడ వుంది అని చెప్పాడట. ఈ సామెత మన భారత క్రికెట్ బోర్డుకు కరెక్టుగా సరిపోతుంది. మన భారత క్రికెటర్ మనోజ్ తివారీని మన బోర్డు అధికారులు ఊరంతా తిప్పి... చివరకు గుళ్లోకి పంపినట్లు చివరికి భారత జట్టుతో పాటు ఢాకాకి పంపారు.

ఇంతకీ మన బోర్డు అధికారులు ఏంచేశారంటే... కోల్‌కతాకు 471 కి.మీ దూరంలోని ఢాకాకు బెంగాల్ ఆటగాడు మనోజ్ తివారీని క్రికెట్ అధికారులు ఎలా పంపారో తెలు సా.. తూర్పున ఉన్న కోల్‌కతా నుంచి పశ్చిమాన ఉన్న ముంబయికి రమ్మన్నారు. అక్కడ నుంచి మళ్లీ తూర్పున ఉన్న ఢాకాకు భారత జట్టుతో పంపారు. పడుతూ లేస్తూ ముంబయి చేరిన తివారికి షాక్ ఏంటంటే ఫ్లయిట్ ఐదు గంటల లేటు. అలసి సొలసి, నిద్రలేక ఢాకాచేరేసరికి తివారీ జోలి పోయాడు. తనకు దగ్గర్లోని ఢాకాకు చేరుకోడానికి వెసులుబాటు ఇవ్వాలనే తివారీ అభ్యర్థనను అధికారులు తోసిపుచ్చారు. ఏతా వాతా తేలిందేమంటే మన అధికారుల తీరు అంతేనని.! దీంతో బోర్డు అధికారులు మనోజ్ తివారీని ముప్పుతిప్పలు పెట్టారని మిగతా క్రికెటర్లు అనుకుంటున్నారు. పాపం తివారీ.. !