Posted: 03/09/2012 06:39 PM IST

 ఆవేశంగా చేసే పనులు .. అనార్థాలు పుట్టిస్తాయి. పదవి మీద ఉన్న వ్యమోహంతో .. బాబు ఏం చేస్తున్నాడో తెలియకుండా ఉంది. చంద్రబాబు 2004లో చేసిన తప్పులను మరల చేస్తున్నాడు. ఆ తప్పుల వల్ల .. పరిస్థితులు ఏవిధంగా ఉంటాయో కూడా బాబుకు తెలుసు. అయిన. చంద్రబాబు తన పందా మార్చుకోకుండా.. ప్రజలకు పాత చింతకాయ పచ్చడిలా .. చెప్పిందే చెబుతూ.. ముందుకు పోతున్నాడు బాబు. కోవూరు ఎన్నికల ప్రచారంలో.. బాబు వింత వైఖరి కనబరిచాడు. 

తెలుగుదేశం అధ్యక్షుడు చంద్రబాబు నాయుడు లో కాస్త అసహనం పెరుగుతున్నట్లు కనబడుతోంది. కోవూరు ఎన్నికల ప్రచారంలో భాగంగా ఆయన చేస్తున్న వ్యాఖ్యలు అంత బాగోలేవనే చెప్పాలి. ముఖ్యంగా వై.ఎస్.విగ్రహాలను చూస్తే దొంగ బుద్దులు వస్తాయని అనడం, పిల్లలు జేబుదొంగలు అవుతారని వ్యాఖ్యానించడం వంటివి ఆయన హోదాకు తగవనే చెప్పాలి. తొమ్మిదేళ్లు ముఖ్యమంత్రిగా, అంతే రికార్డు స్థాయిలో ప్రతిపక్ష నాయకుడిగా ఉన్న చంద్రబాబు ఇలాంటి వ్యాఖ్యలు చేస్తారని ఆశించజాలం.

గతంలో అంటే 1999లో విపక్ష నేతగా ఉన్న రాజశేఖరరెడ్డి అప్పట్లో ముఖ్యమంత్రిగా ఉన్న చంద్రబాబు ను కాస్త పరుష పదజాలంతో మాట్లాడితేనే ప్రజలు ఆమోదించలేదు.అలాంటి అనుభవాలు తెలిసి కూడా అదీ రాజశేఖరరెడ్డి దివంగతుడైన వ్యక్తి విగ్రహాలను ఉద్దేశించి అలాంటి మాటలు మాట్లాడడం వల్ల వై.ఎస్. అభిమానులలో తీవ్ర ఆగ్రహం తెప్పిస్తుంది.

ఎదుటివారిని తమ లక్ష్యాలతో మెప్పించి ఆకట్టుకోవాలికాని, ఇలాంటి విమర్శలతో మరింత రెచ్చగొట్టడం వల్ల పెద్దగా ప్రయోజనం ఉండకపోవచ్చు.అయితే వై.ఎస్.విదానాలపై, అవినీతి అరోపణల మీద మాట్లాడితే అప్పు అని ఎవరూ అనరు. కాని విగ్రహాలను చూస్తే ఏదో అవుతుందని అనడం బాగోలేదని చెప్పకతప్పదు. ఎందుకంటే..రాష్ట్రంలో.. ఎన్టీఆర్ విగ్రహాలు కూడా ఉన్నాయి కదా.. వాటి గురించి బాబు ఎందుకు ఆలోచన లేకుండా మాట్లాడుతున్నాడని కోవూరు ప్రజలు అంటున్నారు.