Posted: 03/09/2012 06:32 PM IST

వైఎస్ జగన్ పై వస్తున్న పుకారులతో.. చాలా మంది .. నాయకులు, బిజీనెస్ మెన్ లు..అధికారులు బయపడుతున్నారట. అధిష్టానం .. జగన్ పై తీసుకొని నిర్ణయం ఎలా ఉంటుందో.. జగన్ అరెస్ట్ జరిగితే.. మన పరిస్థితి..ఏమిటి? అనే ఆలోచనలు వారిని వేదిస్తున్నాయట. అందుకోసం వారు ముందు జాగ్రత్తలు తీసుకుంటున్నారని తెలిసింది. అలాంటి వారిలో .. ముందుగా ఈనాడు అధినేత రామోజీరావు ఒకరు.ఆయన ఈ మద్య కాలంలో.. జగన్ అరెస్ట్ అనే వార్తలు విన్నప్పటి నుండి .. తను తగు చర్యలు తీసుకుంటున్నారని ..తెలిసింది. 

ఈనాడు అధినేత రామోజీరావు ముందు జాగ్రత్త తీసుకుంటున్నారు. ఒక ఆంగ్ల దినపత్రిక లో వచ్చిన కదనం ప్రకారం రామోజీరావు ముఖ్యమంత్రి కిరణ్ కుమార్ రెడ్డి కి ఒక లేఖ రాసి హోం మంత్రి సబితా ఇంద్రారెడ్డి, డిజిపి దినేష్ రెడ్డిలకు దాని ప్రతులు పంపారు. ఆ లేఖలో తన ఆస్తులకు భధ్రత కల్పించాలని రామోజీరావు విజ్ఞప్తి చేశారు. వై.ఎస్.ఆర్.కాంగ్రెస్ అద్యక్షుడు జగన్మోహన్ రెడ్డిని అరెస్టు చేస్తే, ఆ పార్టీకి చెందినవారు తమ ఆస్తులపై దాడులు చేసే అవకాశం ఉందని కనుక తమ కార్యాలయాలు, ఆస్తులకు రక్షణ కల్పించాలని రామోజీ విజ్ఞప్తి చేశారు.జగన్ అరెస్టుకు సంబందించి రకరకాల ఊహాగానాలు వస్తున్న నేపద్యంలో రామోజీ ఈ లేఖ రాయడం విశేషం.

అయితే ఉత్తరప్రదేశ్ ఎన్నికల తర్వాత కాంగ్రెస్ అధిష్టానం జగన్ అరెస్టు విషయంలో పునరాలోచనలో పడిందని మరో పత్రిక కదనాన్ని ఇచ్చింది. ఇప్పటికే ఉత్తరప్రదేశ్ లో పరాజయ పరాభవంతో ఉన్న కాంగ్రెస్, జగన్ అరెస్టు తో ఆంద్రప్రదేశ్ లో మరింత ఇబ్బంది పడుతుందన్న అభిప్రాయానికి రావడంతో దీనిపై ఆలోచనలో పడిందని ఆ కదనం చెబుతోంది.