Posted: 03/02/2012 04:38 PM IST

పది రోజులు తమిళ్, మరో పది రోజులు తెలుగు... ఇలా భాషలు మార్చి మార్చి మాట్లాడం భలే థ్రిల్‌గా ఉంది. ఇలాంటి అవకాశం ఏ కొందరికో మాత్రమే వస్తుంది’’ అంటున్నారు త్రిష. ప్రస్తుతం తెలుగులో ఎన్టీఆర్ సరసన ‘దమ్ము’, విశాల్‌తో తమిళ చిత్రం ‘సమరన్’లో నటిస్తూ బిజీగా ఉన్నారామె. ఈ రెండు చిత్రాల షూటింగ్ గత కొన్ని రోజులుగా నిరవధికంగా జరుగుతోంది. ఇటీవల దాదాపు ఏడెనిమిది రోజులు బ్యాంకాక్, పటాయాలో జరిగిన ‘సమరన్’ షూటింగ్‌లో పాల్గొన్న త్రిష ‘దమ్ము’ షూటింగ్‌లోకి ఎంటరయ్యారు.

సమరన్ నుంచి దమ్ముకి టర్న్ తీసుకున్నాను. దాదాపు 20 రోజుల పాటు ఈ షూటింగ్ నిరవధికంగా జరుగుతుంది. పేరుకి తగ్గట్టే ‘దమ్ము’ ఫుల్ మాస్ సినిమా’’ అన్నారు. ఇదిలా ఉంటే ప్రస్తుతం త్రిషకు ఇద్దరు పిల్లలు ఉన్నారు. ఈ విషయం చదివినవాళ్లు ఆశ్చర్యపోవడం సహజం. కానీ స్వయంగా ఈ విషయాన్ని త్రిషే తన ట్విట్టర్‌లో పేర్కొన్నారు. త్రిష పేర్కొన్న ఆ ఇద్దరు పిల్లల గురించి ఆమె మాటల్లోనే చదువుదాం... ఇటీవల బ్లూ క్రాస్‌కి వెళ్లాను. అక్కడ ఒక బేబి నచ్చడంతో దత్తత తీసుకున్నాను.

మొదటి కొడుకు పేరు మైలో.. త్రిష ట్విట్టర్‌లో పోస్ట్ చేశారు. ఈ మాటలను బట్టి త్రిష చెప్పినది పెంపుడు జంతువుల గురించి అని అర్థమయ్యే ఉంటుంది. త్రిషకు కుక్కపిల్లలంటే చాలా ఇష్టం. ఆల్రెడీ మైలో అనే కుక్కపిల్లను పెంచుతున్నా, మరో శునకాన్ని కూడా పెంచుకుంటున్నాను. ఒకవేళ రోడ్డు మీద ఏదైనా కుక్కపిల్ల కనిపించిందనుకోండి.. దాన్ని ఇంటికి తీసుకెళ్లి... అనాధగా మిలిగిపోయింది.. ఎవరైనా దత్తత తీసుకోవాలనుకుంటున్నారా? అంటూ ట్విట్టర్‌లో పోస్ట్ చేస్తారు త్రిష. మూగజీవాలను ఆమె ఎంతగా ఇష్టపడుతున్నారో దీన్నిబట్టి అర్థం చేసుకోవచ్చు