Posted: 02/18/2012 11:17 AM IST

ఇప్పుడు ఏ రంగంలో చూసిన ఎక్కడ చూసినా, ఎక్కడ విన్నా, ఒకటే న్యూస్, ఇటు రాజకీయాలు గానీ, అటు సినిమా రంగం గానీ, మరోక క్రీడా రంగం గానీ తీసుకుంటే.. ముందుగా మనకు వినిపించే న్యూస్ ఒక్కటే. ఆయనతో ఆమెకు ఎపైర్ ఉంది. ఈమెకి అతనికి మధ్య ఎపైర్ నడుస్తుంది అనేది న్యూస్ ఇప్పుడు పెద్ద హాట్ టాపిక్ గా మారింది . హీరోయిన్ తో పెద్ద హీరోకు ఎపైర్ నడుస్తుంది. ఒక ఆటగాడుతో ఒక నటి ఎపైర్ సాగింది అనే మాటలు మనం వింటునే ఉన్నాం. కానీ ఒక నటి .. ఆ ఆటగాడుతో నాకు ఎపైర్ ఉంది అని చెబితే నమ్ముతారా? ఇప్పుడు అలాంటి విషయమే ఒకటి జరిగింది. అది ఇక్కడ కాదులేండి? మన పక్క దేశం అయిన పాకిస్థాన్ లో జరిగింది.

పాకిస్థాన్ మాజీ పేసర్ షోయబ్ అక్తర్ కొత్త వివాదంలో చిక్కుకున్నాడు. అతనితో తనకు సంబంధం (ఎఫైర్) ఉందంటూ ఆ దేశ నటి మీరా తాజాగా ఆరోపణలు చేసింది. రెండేళ్ల కిందట అక్తర్ జాతీయ జట్టుకు ఆడుతున్నప్పుడు తనతో సంబంధం పెట్టుకున్నాడని, ఏడాది పాటు ఇది కొనసాగిందని వెల్లడించింది. ‘మా ఇద్దరి మధ్య బలమైన ఎఫైర్ ఉండేది. నేను నిజాయితీగా అతన్ని నమ్మా. కానీ మా బంధాన్ని అతడు గౌరవించలేదు.

ఒకరోజు అతడు నాతో పాటు నా కజిన్‌కు కూడా ప్రపోజ్ చేశాడు. దీంతో అతడెలాంటివాడో అర్థమైంది. అప్పుడే అక్తర్‌తో సంబంధాన్ని తెగదెంపులు చేసుకున్నా’ అని మీరా తెలిపింది. ఈ ఆరోపణలను అక్తర్ తోసిపుచ్చాడు. ‘మీరా ఏం మాట్లాడుతుందో నాకు తెలియదు. మా మధ్య ఎలాంటి సంబంధం లేదు. ఓ పాపులారిటీ ఉన్న క్రికెటర్ ఓ అమ్మాయిని చూసి నవ్వితే చాలు... అతడు ప్రేమిస్తున్నాడేమోనని భావిస్తుంటారు’ అని అక్తర్ అంటున్నారు. ఇందులో ఎవరు నిజం చెబుతున్నారో, ఎవరు అబద్దం చెబుతున్నారో.. అంతా పేరుమళ్ళకే తెలియాలి.