Posted: 02/14/2012 11:47 AM IST

ఒకప్పుడు ..చంద్రన్నకి జై .. అంటు జై కొట్టిన తమ్ముళ్లు ఇప్పుడు చంద్రన్నా మమ్మల్ని వదలిపెట్టు అన్నా అని వేడుకుంటున్నారట. గతంలో చంద్రబాబు మీటింగ్ లు అంటే .. తెలుగు తమ్ముళ్లు ఆనందంతో ఊగిపోయేవారు. కానీ ఇప్పుడు పరిస్థితి మారిపోయింది. బాబు ప్రసంగం అంటేనే తెలుగు తమ్ముళ్లు .. జెండు బామ్ వెంటబెట్టుకొని వెళుతున్నారట. ఎందుకంటే బాబు మీటింగ్ లో పస లేసి ప్రసంగంతో తెలుగు తమ్ముళ్లు విసిగిపోతున్నారని ఆ పార్టీ కార్యకర్తలు అంటున్నారు.

బాబు పదవిలో ఉన్నప్పుడు .. ‘ నేను నిద్రపొను.. కార్యకర్తలను నిద్రపోన్విను’’ అని తెలుగు తమ్ముళ్లు, అధికారులకు నిద్రలేకుండా చేసాడు బాబు. మరళ ఇప్పుడు పదవి లేకపోవటంతో.. చంద్రబాబు పార్టీ మీటింగ్ ల పేరుతో .. తెలుగు తమ్ముళ్లు కు నిద్రలేకుండా చేస్తున్నాడని .. ప్రజలు అంటున్నారు. బాబు ప్రసంగాలు వింటానికి తమ్ముళ్లు కావాలి? ఎన్నికల సమయంలో సీటు ఇచ్చేటప్పుడు మాత్రం డబ్బు ఉన్న బడాబాబులకు పార్టీ టిక్కెట్ ఇస్తాడు. బాబు ఉకదంపుడు ప్రసంగం వినటానికి మాత్రం తెలుగు తమ్ముళ్లు కావాలా? అనే అసహనం తెలుగు తమ్ముళ్ల మదిలో మెదిలాడుతుందని కార్యకర్తలు అంటున్నారు.

బాబు మీటింగులలో కూడా చెప్పిందే చెప్పటంతో.. ( పాడింతే పాట పాసిపళ్ల దాస) అనే విధంగా ఉందని తెలుగు తమ్ముళ్లు వాపోతున్నారు. ఇటీవల ఆయన నిర్వహించిన సమావేశాలకు తమ్ముళ్ల హాజరు తక్కువగా ఉండటమే ఇందుకు నిదర్శనమంటున్నారు. సుదీర్ఘ ఉపన్యాసాలతోసాగే బాబు సమావేశాలంటే వారు పెద్దగా ఆసక్తి చూపడంలేదు. అసెంబ్లీ బడ్జెట్ సమావేశాలను పురస్కరించుకుని అనుసరించాల్సిన వ్యూహంపై చంద్రబాబు తన నివాసంలో టీడీఎల్పీ సమావేశం ఏర్పాటు చేశారట. ఆ సమావేశానికి పట్టుమని పదిమంది నేతలు కూడా హాజరుకాలేదని .. మీడియా ప్రతినిధులు ద్వారా తెలిసింది.

అయితే ఈ విధంగా తెలుగు తమ్ముళ్లు బాబు నుండి తప్పించుకొని తిరుగుతున్నారని తెలుస్తుంది. ఇదే తంతు అన్ని జిల్లాల తెలుగు దేశం పార్టీ కార్యకర్తలలో కూడా అసహనం ఉందని అంటున్నారు. బాబు ఇకనైన తన పద్దతి మార్చుకోవాలని పార్టీ నాయకులు కోరుతున్నారని .. తెలుగు దేశం భవన్ లో గుసగుసలు వినిపిస్తున్నాయి.