Posted: 12/01/2011 05:59 PM IST

ఈ మధ్య కాలంలో వివాదాలతో తరుచూ ఎవరు వార్తల్లోకి ఎక్కుతున్నారయ్యా అంటే.. కంటోన్మెంట్ ఎమ్మెల్యే,, చేనేత జౌళీ శాఖ మంత్రి శంకర్ రావు అని అందరికి తెలిసింన విషయమే.

ఇతను ఏ మాట మాట్లాడినా వివాదమే. జగన్ పై అవినీతి విచారణ జరిపించాలంటూ పిటీషన్ వేసింది మొదలు తరుచూ వార్తల్లోని వ్యక్తిగా నిలుస్తున్నాడు. అయితే అలాంటి శకంరావు మొన్నటికి మొన్న సీఎం కిరణ్ పై కూడా సంచలన వ్యాఖ్యలు చేశారు. అంతకు ముందు డీజీపీ దినేష్ రెడ్డి ఫోన్ ఎత్తడం లేదంటూ వ్యాఖ్యానించారు. ఓ సభలో మంత్రి శంకర్రావు ఏకంగా తన పీఏ పై చేసుకొని హైలెట్ గా నిలిచాడు. ఇలా చెప్పుకుంటూ పోతే మంత్రి శంకర్ రావు తనకు మంత్రి పదవి వచ్చినప్పటి నుండి పేపర్లో రాని రోజంటూ లేదు.

అలాంటి శంకర్ రావు ప్రజల కోసం ముఖ్యమైన నిర్ణయాలు తీసుకునే క్యాబినెట్ మీటింగ్ కు మాత్రం వెళ్ళేంత టైం లేదని మరో బాంబు పేల్చాడు. ప్రజలే తనకు ముఖ్యమని కేబినెట్ కు వెళ్ళే టైం లేదని, నేను నిర్ణయించుకున్న షెడ్యూలు ప్రకారం ప్రజల్ని, కార్మికుల్ని కలిసేందుకు వచ్చానని మధ్యాహ్నం 3 నుండి 7 గంటల వరకు నేనే చాలా బిజీ అని ఓ కార్యక్రమంలో విలేఖరులు అడిగిన ప్రశ్నలకు పై విధంగా సమాధానం చెప్పారు.

అయితే అందరి పై అభియోగాలు, కేసులు, మాటల తూటాలు వదిలే శంకర్ రావుకు కేబినెట్ కు వెళ్ళే టైం లేదా అని ప్రజలు పశ్నించడంతో పాటు, ఒక వేళ కోర్టు ఆయన వేసిన వాటికి సాక్ష్యంగా పలిస్తే కూడా టైం లేదని చెబుతాడని ప్రజలు అనుకుంటున్నారు.