Posted: 11/26/2011 04:49 PM IST

పూరిజగన్నాథ్ దర్శకత్వంలో ఆర్.ఆర్. మూవీ మేకర్స్ బ్యానర్ పై అత్యంత వేగంగా షూటింగ్ జరుపుకుంటున్న సినిమా మహేష్ ‘బిజినెస్ మ్యాన్’. ఈ సినిమా ముంబయిలో షూటింగ్ జరుపుకుంటుంది. ఈ సినిమాకు సంగీతాన్ని తమన్ అందిస్తున్న విషయం తెలిసిందే. అయితే ఈ సినిమా ఆడియో విడుదల డిసెంబర్ 23న జరగబోతుందనే వార్తలు వినిపిస్తున్నాయి. ఆ ఆడియో ఫంక్షన్ ని కూడా భారీ ఎత్తున గ్రాండ్ గా జరపాలని అనుకుంటున్నారు.

మరి ఇంత పెద్ద ఎత్తున చేయదలచినప్పుడు ఈ సినిమా వేడుకకి సినిమా ఇండస్ట్రీలోని పెద్దలతో పాటు రాజకీయ నాయకులు వస్తున్నారని అనుకుంటున్నారు. ఈ ఆడియో ఫంక్షన్ కి వైయస్ జగన్ వస్తాడని అంతటా గుసగుసలు వినిపిస్తున్నాయి. ఆర్.ఆర్ మూవీ మేకర్స్ లో ఆయనకు షేర్స్ ఉన్నాయని, ఈ సినిమాకి జగన్ కూడా పెట్టుబడి పెట్టాడని, అందుకే వెంకట్ అతన్ని పిలుస్తున్నారని చెప్తున్నారు.

అంతే కాకుండా వైయస్ జగన్ పార్టీలో క్రిష్ణ కుటుంబం ఉండటంతో పాటు, పూరీ జగన్నాథ్ కి కూడా జగన్ దగ్గరే అనే వార్తలు ప్రచారంలో ఉన్నాయి. మొన్నా మధ్య పూరీ జగన్నాథ్ కూతురు ఫంక్షన్ కి కూడా జగన్ వచ్చి సందడి చేశాడు. దాదాపుగా ఈ సినిమా యూనిట్ కి అంతా జగన్ తో సంబంధం ఉండటం వలనే అతన్ని ఆహ్వానిస్తున్నారని అనుకుంటున్నారు. అయితే మహేష్ ఫ్యాన్స్ మాత్రం అవన్నీ కేవలం రూమర్స్ మాత్రమే అని అలాంటిదేమీ లేదని చెప్తున్నారు.ఇక మహేష్ బాబు దూకుడుతో పెరిగిన మార్కెట్ కు అణుగుణంగానే బిజినెస్ మ్యాన్ ఉండబోతోందని చెప్తున్నారు. అందులోనూ గతంలో మహేష్,పూరీ కాంబినేషన్ లో వచ్చిన పోకిరి మెగా హిట్ ఫిలిం కావటంతో ఈ సినిమాపై మరింత అంచనాలు ఉన్నాయి.