Posted: 11/18/2011 08:40 PM IST

పవన్ కళ్యాణ్  ఇంత వరకు ఎప్పుడు రాని ఢిఫరెంట్ లుక్ తో వస్తున్నాడు. ఈ సినిమాను ఫస్ట్ లుక్ విడుదలకు ముందు అంత పెద్దగా ఎవ్వరూ పట్టించుకోలేదు. పవన్ లేటెస్ట్ వండర్ ’పంజా‘ స్టిల్స్ తరువాత సినీ వర్గాల్లో, అభిమానుల్లో అంచనాలు భారీగా పెరిగాయి. ఈ సినిమా ఆడియో ఫంక్షన్ ఈ నెల 19న గ్రాండ్ గా విడుదలవబోతున్న విషయం తెలిసిందే. తరువాత డిసెంబర్ 9న అత్యధిక ప్రింట్లతో విడుదలవబోతున్న ఈ సినిమా నైజామ్ రైట్స్ కి తీవ్రపోటీ నెలకొంది.

ఇప్పటికే ఈ సినిమాకి సంబంధించిన బిజినెస్ భారీ స్థాయిలో జరుగుతున్న విషయం తెలిసిందే. ఒక్క హైదరాబాద్ డిస్టిబ్యూషన్ రైట్సే ఇంత వరకు ఏ సినిమాకు పెట్టనంతగా పెట్టి సొంతం చేసుకున్నట్లు సమాచారం. నిజానికి ఈ సినిమాకి సంబంధించిన నైజామ్ రైట్స్ ని దిల్ రాజు సొంతం చేసుకోవాలని ప్రయత్నించాడు. దాదాపుగా అందరు ఈ సినిమా నైజాం రైట్స్ దిల్ రాజుకే సొంతం చేసుకున్నాడనే వార్తలు వచ్చాయి. కానీ చివరిలో దాసరి నారాయణ రావుకు చెందిన ’సిరి’ మీడియా చక్రం తిప్పి నైజాం రైట్స్ ను సొంతం చేసుకున్నారని వార్తలు వినిపిస్తున్నాయి.

ఈ సినిమా నైజామ్ రైట్స్ ని ’సిరి‘ మీడియా భారీ మొత్తం చెల్లించిందని అనుకుంటున్నారు. ’పంజా‘ రైట్స్ ని ’ఎన్ ఆర్ ఎన్‘ (నాన్ రఫండబుల్ అమౌంట్) కింద 8.2 కోట్లకు దక్కించుకుందని వినికిడి. మొదట 14 కోట్లకు ఎన్ ఆర్ ఎన్ లేకుండా ఇవ్వాలనుకున్న నిర్మాతలు దాసరికి సరెండర్ అయిపోయారని అంటున్నారు. ఈ వార్త విన్న సినీ జనాలు దిల్ రాజుకు దాసరి ’పంజా‘ పవర్ చూపించాడని అనుకుంటున్నారు.