గుణశేఖర్ ‘శాకుంతలం’ నుంచి సమంత ఫస్ట్ లుక్ అదుర్స్.!

వైవిధ్య భ‌రిత క‌థ‌ల‌ను ఎంచుకుంటూ త‌న న‌ట‌న‌తో, అభినయంతో ప్రేక్ష‌కులలో విప‌రీత‌మైన క్రేజ్‌ను సంపాదించుకున్న న‌టి స‌మంత‌. దక్షిణాదిలో అగ్రస్థానాన్ని సంపాదించుకున్న ఈ నటి ఇప్పుడిప్పుడే అటు బాలీవుడ్ లోనూ అడుగుపెట్టేందుకు సిద్దమవుతోంది. ఈ క్రమంలో నటిస్తున్న తాజా చిత్రం పాన్ ఇండియా చిత్రంగా రూపొందుతుండటం అమెకు కలిసివచ్చే అంశం. స‌మంత ఇప్ప‌టివ‌ర‌కు 45 సినిమాల‌కు పైగా న‌టించింది. ప్ర‌తి పాత్రలో ప‌లుర‌కాల వేరియేష‌న్స్ చూపిస్తూ సినీరంగంలో త‌నకంటూ ప్రత్యేక స్థానాన్ని ఏర్ప‌ర‌చుకుంది. ఈమె ప్రాధాన పాత్ర‌లో న‌టిస్తున్న లేట‌స్ట్ చిత్రం ‘శాకుంత‌లం’. క్రియేటీవ్ జీనియ‌స్ గుణ‌శేఖ‌ర్ ద‌ర్శ‌క‌త్వంలో తెర‌కెక్కుతున్న ఈ చిత్రం నుండి తాజాగా ఫ‌స్ట్ లుక్ పోస్టర్ విడుద‌లైంది.

మేక‌ర్స్ విడుద‌ల చేసిన ఫ‌స్ట్‌లుక్ పోస్ట‌ర్‌లో స‌మంత అంద‌మైన‌ దేవ‌క‌న్య‌లా క‌నిపిస్తుంది. వ‌న్య ప్రాణులు చుట్టూ చేరి ఆ అందాన్ని క‌నుల‌తో స్ప‌ర్షిస్తున్న‌ట్లు పోస్ట‌ర్‌ను అద్భుతంగా మేక‌ర్స్ డిజైన్ చేశారు. ఇందులో ఐకాన్ స్టార్ అల్లుఅర్జున్ కుమార్తె అల్లుఅర్హ చిన్ననాటి శకుంతల దేవి పాత్రను కూడా పోషిస్తూ తెరంగ్రేటం చేస్తోన్న విషయం తెలిసిందే. దిల్‌రాజు స‌మ‌ర్ప‌ణ‌లో గుణ టీంవ‌ర్క్స్ బ్యానర్‌పై నీలిమాగుణ నిర్మిస్తుంది. అత్యంత భారీగా పాన్ ఇండియా చిత్రంగా తెర‌కెక్కుతున్న ఈ చిత్రం ప్ర‌స్తుతం షూటింగ్ జ‌రుపుకుంటుంది. మ‌ణిశ‌ర్మ సంగీతం అందిస్తున్న ఈ చిత్రంపై ప్రేక్ష‌కుల‌లో భారీ అంచ‌నాలున్నాయి.

Presenting ..
Nature’s beloved..
the Ethereal and Demure.. “Shakuntala” from #Shaakuntalam