కత్తెరింపులు దాటుకున్న నాగశౌర్య, రీతువర్మల ‘వరుడు కావలెను’

Posted: 10/21/2021 05:53 PM IST

Naga shaurya ritu varma stared varudu kaavalenu gets u a certificate

నాగశౌర్య హీరోగా 'వరుడు కావలెను' చిత్రం రూపోందుతున్న విషయం తెలిసిందే. ఈ చిత్రాన్ని దీపావళి కానుకగా ప్రేక్షకుల ముందుకు తీసుకురావాలని భావించిన చిత్రబృందం పోటీ అధికంగా వుండటంతో మంచి చిత్రాన్ని తెలుగు ప్రేక్షకులు మిస్ కాకుడదని..ఓ వారం రోజుల ముందుగానే థియేటర్లకు తీసుకువస్తున్నారు. దీంతో ఈ చిత్రం ఈ నెల 29నే విడుదల కానుంది. ఈ చిత్రంలో నాగశౌర్య సరసన పెళ్లి చూపులు ఫేమ్ రీతూశర్మ హీరోయిన్ గా నటించారు.

సితార ఎంటర్ టైనర్ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తుండగా, ఈ రోమాంటిక్ చిత్రానికి లక్ష్మీసౌజన్య దర్శకత్వం వహించారు. ఈ చిత్రంలో హాస్యాన్ని మరింత జోడించడానికి వెన్నెల కిషోర్ పాత్ర కీలకంగా మారనుంది. నదియా, మురళీ శర్మ, ప్రవీణ్, హర్షవర్థన్ తదితరులు ఈ చిత్రంలో నటిస్తున్నారు. చిత్రానికి సంగీతాన్ని విశాల్ చంద్రశేఖర్ సమకూర్చారు. తాజాగా ఈ సినిమా సెన్సార్ కార్యక్రమాలను పూర్తిచేసుకుని, U/A సర్టిఫికెట్ ను తెచ్చుకుంది.

ఈ విషయాన్ని అధికారికంగా తెలియజేస్తూ, అందుకు సంబంధించిన పోస్టర్ ను రిలీజ్ చేశారు. ఈ సినిమాకి తమన్ - విశాల్ చంద్రశేఖర్ సంగీతాన్ని అందించారు. ఇంతవరకూ వదిలిన పాటలకు మంచి రెస్పాన్స్ వచ్చింది. ఇటు యూత్ కి .. అటు ఫ్యామిలీ ఆడియన్స్ కి నచ్చే కంటెంట్ తో ఈ సినిమా రానుంది. నదియా పోషించిన పాత్ర ఈ సినిమాకి హైలైట్ గా నిలుస్తుందని అంటున్నారు. మురళీ శర్మ .. వెన్నెల కిషోర్ ఇతర ముఖ్య పాత్రల్లో కనిపించనున్నారు. ఈ సినిమాతో నాగశౌర్యకి హిట్ పడుతుందేమో చూడాలి.