వైఎస్ పాత్ర కోసం ఎవరినీ తీసుకోలేదు : దర్శకుడు మహి

Posted: 03/09/2018 11:20 AM IST

ఉమ్మడి ఆంధ్రప్రదేశ్ మాజీ ముఖ్యమంత్రి, దివంగత నేత వైఎస్ రాజశేఖర్ రెడ్డి జీవిత గాథను తెరపైకి తీసుకొచ్చేందుకు ప్రయత్నాలు మొదలైన విషయం తెలిసిందే. ఆనందో బ్రహ్మ ఫేమ్ మహి వి. రాఘవ్ ఈ చిత్రానికి దర్శకత్వం వహించేందుకు ముందుకు వచ్చాడు.

అయితే ఈ చిత్రం కోసం నటీనటుల ఎంపిక జరిగిపోయిందంటూ గత కొన్ని రోజులుగా మీడియాలో రకరకాల కథనాలు వినిపిస్తున్నాయి. ఏకంగా మళయాళ స్టార్ మమ్ముటి పేరే వినిపించేసరికి మహి మీడియాకు క్లారిటీ ఇచ్చేశాడు.

ఈ చిత్రం కోసం ఎవరినీ సంప్రదించలేదని.. త్వరలో నటీనటుల ఎంపిక ప్రారంభిస్తామని చెప్పకొచ్చాడు. ప్రస్తుతం ప్రీ ప్రొడక్షన్ పనులు మాత్రమే సాగుతున్నాయని చెప్పాడు. విజయ్ చిల్లా, శశీదేవి ఈ చిత్రాన్ని నిర్మిస్తున్నారు.