కేసరి నుంచి సల్మాన్ అవుట్

Posted: 12/23/2017 05:58 PM IST

బాలీవుడ్ లో మరో విలక్షణ సినిమాకు అక్షయ్ కుమార్ ఓకే చెప్పాడు. కరణ్‌ జోహార్‌ తో కలిసి ఓ భారీ బడ్జెట్ చిత్రాన్ని నిర్మించటంతోపాటు అందులో హీరోగా యాక్ట్ చేయబోతున్నాడు. అనురాగ్ సింగ్ దర్శకత్వం వహిస్తున్న ఈ చిత్రం సారాఘరి యుద్ధ నేపథ్యంలో తెరకెక్కబోతుంది.

అక్టోబర్ లోనే దీనిపై అఫీషియల్ ప్రకటన వెలువడింది కూడా. తొలుత అక్షయ్‌ కుమార్‌ హీరోగా.. సల్మాన్‌-కరణ్‌ జోహర్‌-అక్షయ్‌ కుమార్‌ సంయుక్తంగా ఈ భారీ బడ్జెట్‌ చిత్రాన్ని నిర్మించాలనుకున్నారు. అయితే ఆ ప్రాజెక్టు నుంచి సల్మాన్ ఇప్పుడు తప్పుకున్నాడు. ఈ విషయాన్ని స్వయంగా అక్షయ్‌ కుమార్ ప్రకటించాడు. ఈ ప్రాజెక్టులో సల్మాన్ లేడు. నేను, కరణ్ మాత్రమే నిర్మాతలుగా తీయబోతున్నాం అని పాడ్‌మన్‌ చిత్ర ప్రమోషన్‌లో అక్షయ్‌ చెప్పుకొచ్చాడు.

పాడ్‌మన్ రిలీజ్ అయ్యాక ఈ చిత్ర షూటింగ్ మొదలుపెట్టబోతున్నట్లు అక్కీ ప్రకటించాడు. చిత్ర తారాగణం పూర్తి వివరాలు త్వరలోనే తెలియజేస్తారంట. 2019 హోలీకి ఈ చిత్రం విడుదల కానుంది.