రవితేజ-వైట్ల చిత్రంలో సునీల్

Posted: 12/23/2017 06:11 PM IST

కమెడియన్ నుంచి హీరోగా మారి తొలినాళ్లలో సక్సెస్ చవి చూసిన సునీల్ కెరీర్.. అనూహ్యంగా కొన్నాళ్ల నుంచి డల్ అయిపోయింంది. మంచి హిట్ కోసం ఇప్పుడు చూస్తున్నాడు. టూ కంట్రీస్ రీమేక్ టూ కంట్రీస్ రిలీజ్ కు సిద్ధంగా ఉంది. దీనికి తోడు మళ్లీ స్టార్ల సినిమాల్లో నటించేందుకు ఉవ్విళ్లూరుతున్నట్లు తెలుస్తోంది.

శ్రీను వైట్ల తన తదుపరి సినిమాకి సన్నాహాలు చేసుకుంటున్నాడు. మైత్రీ మూవీస్ బ్యానర్ పై నిర్మించనున్న ఈ సినిమాలో రవితేజ కథానాయకుడిగా నటించనున్నాడు. ఈ సినిమాలో ఒక ముఖ్యమైన పాత్ర కోసం సునీల్ ను ఎంపిక చేసుకున్నట్టు సమాచారం. సునీల్ ను దృష్టిలో పెట్టుకునే శ్రీను వైట్ల ఈ పాత్రను పూర్తి వినోదాత్మకంగా మలిచాడట. శ్రీను వైట్ల సినిమాలో కామెడీ ఎపిసోడ్స్ ఏ స్థాయిలో వుంటాయో తెలిసిందే. అలాగే ఈ సినిమాలోను కడుపుబ్బా నవ్వించే కామెడీ ఉంటుందట. అయితే ఇది మల్టీస్టారర్ తరహాలోనే ఉంటుందని చెబుతున్నారు.

ఇక త్వరలోనే ఈ సినిమా సెట్స్ పైకి వెళ్లనుంది. దీంతోపాటు త్రివిక్రమ్ - ఎన్టీఆర్ కాంబినేషన్లోను ..' సైరా'లోను సునీల్ కనిపించబోతున్నాడని ఓ టాక్.