‘అ’ నాని లుక్కు.. చేప చాలా బాగుంది

Posted: 12/23/2017 05:27 PM IST

మిడిల్ క్లాస్ అబ్బాయి రిలీజ్ అయ్యిందో లేదో మరో చిత్రాన్ని నెల వ్యవధిలో రిలీజ్ చేసేందుకు నాని రెడీ అయిపోతున్నాడు. కృష్ణార్జున యుద్ధంతోపాటు మరోవైపు తాను నిర్మాతగా మారి తీయబోయే చిత్రం పై కూడా కేవలం పోస్టర్లతోనే అంచనాలు పెంచేస్తున్నాడు.

ముఖ్యంగా ఈ చిత్ర తారాగణమే ఇక్కడ హైలెట్ గా మారింది. నిత్యామీనన్, కాజల్, అవసరాల శ్రీనివాస్, రెజీనా, ఈషా రెబ్బా ఇలా మెయిన్ క్యారెక్టర్ లతోపాటు మాస్ రాజా రవితేజ, నేచురల్ స్టార్ నానిలు తమ డబ్బింగ్ తో ఆకట్టుకోబోతున్నారు. ఈ సినిమా గురించి చర్చలు నడుస్తుండగా.. నాని తన కొత్త సినిమా లుక్ లో సోషల్ మీడియాలోకి దిగాడు.

నాని సొంత నిర్మాణ సంస్థ ‘వాల్ పోస్టర్ సినిమా’ నిర్మిస్తున్న ‘అ’ సినిమాలో అతడి పాత్రను ఈ రోజు పరిచయం చేశారు. నాని నెవర్ బిఫోర్ లుక్ లో కనిపించబోతున్నాడు ఈ సినిమా. మనిషిగా ఉన్న నాని.. చేపగా మారిపోయాడు ఈ సినిమా కోసం. అవునండీ.. ఈ చిత్రంలో నాని పోషిస్తున్నది చేప పాత్రే. ‘అ’ టైటిల్ లోగో లాంచ్ చేసినపుడే నాని ఇందులో ఓ పాత్రకు వాయిస్ ఇవ్వబోతున్నట్లు ప్రకటించిన సంగతి తెలిసిందే. తర్వాత అతను వాయిస్ ఇచ్చేది ఒక చేపకు అని ప్రకటించారు. ప్రశాంత్ వర్మ అనే కొత్త దర్శకుడు రూపొందిస్తున్న ఈ చిత్రం ఫిబ్రవరిలో ప్రేక్షకుల ముందుకొస్తుంది.

Playing an interesting role in my next .. been learning swimming coz the script demands ;))#AWE https://t.co/VDmOAuUPHK
— Nani (@NameisNani) December 23, 2017

I know how much u worked hard on this one reg @ReginaCassandra
Wishing you a very very happy birthday from team #AWE :) https://t.co/kM0hNEmEQi
— Nani (@NameisNani) December 13, 2017