భరత్ అను నేను బాలీవుడ్ రైట్స్ అమ్మకం

Posted: 09/04/2017 04:07 PM IST

Mahesh bharath anu nenu after baahubali in hindi rights

శ్రీమంతుడి లాంటి ఇండస్ట్రీ బ్లాక్ బస్టర్ ఇచ్చిన మహేష్-కొరటాల కాంబినేషన్ లో భరత్ అను నేను తెరకెక్కుతున్న విషయం తెలిసిందే. స్పైడర్ అంత కాకపోయినా.. సుమారు భారీ బడ్జెట్ తో తెరకెక్కుతోంది. ఇక ఈ సినిమాపై అప్పుడే అంచనాలు పెరిగిపోవటంతో అందుకు తగ్గట్లే బిజినెస్ కూడా మొదలుపెట్టేసింది.

ఈ సినిమా హిందీ ఆల్ రైట్స్ 13 కోట్లకి అమ్ముడైనట్టుగా తెలుస్తోంది. ఇక్కడ ఇంకో విశేషం ఏంటంటే... 'బాహుబలి'ని మినహా ఇస్తే మరే సినిమాకి ఈ స్థాయి రేటు పలకలేదు. ఇక ఈ సినిమా ఓవర్సీస్ రైట్స్ కి కూడా భారీ ఆఫర్స్ వస్తున్నాయట. ఈ సినిమా ఓవర్సీస్ రైట్స్ ను 18 నుంచి 20 కోట్లకు దక్కించుకోవడానికి రెండు భారీ సంస్థలు పోటీ పడుతున్నాయట. ఈ హక్కులను ఎవరు సొంతం చేసుకుంటారనేది రెండు మూడు రోజుల్లో తెలిసిపోతుంది.

మహేష్ క్రేజ్ కొరటాల వరుస బ్లాక్ బస్టర్ హిట్స్ ఇస్తూ రావడం ఈ స్థాయి రేటు పలకడానికి ప్రధానకారణంగా చెప్పుకుంటున్నారు. జనవరి 11న సంక్రాంతికి ఈ సినిమాను విడుదల చేయాలనే ఆలోచనలో వున్నారు. బాలీవుడ్ బ్యూటీ కైరా అద్వానీ ఇందులో హీరోయిన్ గా నటిస్తోంది.