బాహుబలి ది బిగినింగ్.. బాలీవుడ్ లో మరో రికార్డు

Posted: 07/18/2017 03:48 PM IST

బాహుబలి ఓ చారిత్రాత్మక హిట్ అన్న విషయం ఎవరైనా ఒప్పుకుని తీరాల్సిందే. 450 కోట్ల బడ్జెట్, రెండు భాగాలు, దర్శక ధీరుడి ప్రతిభ, భారీ విజువల్ ఎఫెక్ట్స్ ఈ ఇండియన్ బిగ్గెస్ట్ మోషన్ పిక్చర్ ను కళాఖండంగా తీర్చిదిద్దాయి. అలాంటి ఈ క్రేజీ ప్రాజెక్టు ఇప్పుడు మరో అరుదైన రికార్డును తన ఖాతాలో వేసుకుంది.

బాహుబలితో కల తీరిందిగా...

మొదటి పార్ట్ బాహుబలి ది బిగినింగ్ విజువల్ వండర్ బార్క్(BARC)రేటింగ్స్ లో మొదటి స్థానంలో కొనసాగుతూ వస్తోంది. బుల్లితెర టీఆర్పీ రేటింగ్ ను లెక్కించటంలో బార్క్ ది కీలకపాత్ర. ఓ ప్రముఖ ఛానెల్ లో ప్రసారం అవుతున్న బాహుబలి 1 ఈ లిస్ట్ లో 22 వారాలుగా తొలి స్థానంలోనే ఉండటం విశేషం. మొత్తం 153 మిలియన్లకు గానూ ఇప్పటికీ ఈ సినిమాను టెలికాస్ట్ చేస్తే 85 లక్షల ఇంప్రెషన్లు దక్కాయి. ఇండియాలోనే ఓ చిత్రం ఈ స్థాయి బార్క్ టీఆర్పీ రాబట్టడం ఇదే ఫస్ట్ టైం కాగా, ఓ నాన్ హిందీ మూవీ ఈ ఫీట్ ను సాధించటం విశేషం.

ఇక ఈ జాబితాలో మరో హైలెట్ ఏంటంటే.. ప్రభాస్ ఫ్లాప్ మూవీ రెబల్ డబ్బింగ్ వర్షన్ కు హిందీలో ప్రేక్షకులు బ్రహ్మరథం పడుతున్నారు. సినిమా 24వ వారంలో కూడా 63 లక్షల ఇంప్రెషన్లతో దూసుకుపోతుండటం కొసమెరుపు. మొత్తానికి బాహుబలి ప్రభావం ప్రభాస్ పాత చిత్రాలను హిందీలో డబ్ చేసుకుని క్యాష్ చేసుకునేందుకు అక్కడి ఛానెళ్లకు చాలా వెసులుబాటు కల్పిస్తోంది.